اقتصاد مصر | امتي الدولة هتبيع الكهربا للمواطن بالسعر العالمي.. شوف رد الحكومة - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر  

زيادة شرائح الكهرباء الأخيرة عملت صدي كبير في الشارع المصري، وكل الناس بتقول أن الدولة بتبيع الكهرباء للناس باعلي من سعرها ياتري اية حقيقة الكلام ده.. وهل في دعم من الدولة لقطاع الكهرباء.

 
الاسبوع اللي فات الكهرباء أعلنت وبشكل رسمي زيادة أسعار ضرايم الاستهلاك سواء المنزلي أو التجاري، وانتشر الكلام ده قوي في الشارع، عن بيع الحكومة لمحطات توليد الكهرباء وبيع الكهرباء المواطن باعلي من أسعارها الحقيقية، وكلام كتير ملهوش اول من اخر .
طيب هل فعلا الحكومة بتبيع الكهرباء للمواطن باعلي من سعر تكلفتها ؟.
الدكتور مصطفي مدبولي، رئيس مجلس الوزراء، طلع علي كوب ورد علي الاشاعات دي وقال أن الحكومة بتتحرك في تحقيق التوازن بين أسعار الكهرباء وفي خطة لرفع الدعم بشكل كامل عن قطاع الكهربا على مدار 4 سنين، وقال إن اعلي دعم الدولة يتقدمه بيكون في أول 3 شرائح من الكهرباء واللي زادوا من 10 إلى 12 قرش بس، والشريحة الرابعة بتخص الطبقة المتوسطة كانت نسبة الزيادة بها تتراوح بين 25 و30 قرشًا، والزيادة الأكبر كانت على الفئات المقتدرة والأنشطة التجارية اللي بتحقق أرباح كبيرة.
مدبولي قال أن فاتورة الكهرباء بتوصل شهريًا 16 مليار جنيه بتدفعها الدولة لوزارة البترول المواطن بيدفع منها 5 مليار بس والدولة تتحمل الباقي نيابة عن المواطنين، ومع تحريك أسعار الشرائح الأخيرة، المواطن هيدفع للبترول 6 مليار جنيها والدولة هتتحمل الباقي،  وقال كمان أن الدولة بتراعي أسعار الكهرباء للمصانع علشان ميكونش في تأثير على الصناعة، ومصر واحدة من أرخص دول العالم في سعر الكهرباء.
مدبولي اتكلم كمان عن تحريك أسعار الكهرباء وقال إنه في فرق بين تكلفة الانتاج واللي بتوصل ل 223 قرش كتكلفة الكيلو وات، والمواطن بيحصل عليها بسعر 58 قرش في الشريحة الأولى، واللي زودته الدولة هما 10 قروش لأول 3 شرائح، والزيادة الأكبر كانت علي الفئات القادرة واللي بتستهلك كميات أكبر، وكمان في زيادة علي بعض الأنشطة التجارية والترفيهية اللي بتحقق أرباح كبيرة وبتستهلك كميات كبيرة من الكهرباء .
مدبولي اتكلم كمان عن قرب انتهاء خمة وقف تخفيف الاحمال علي الشبكة الموحدة للكهرباء وقال انه في اجتماع أسبوعي هيعقد مع محافظ البنك المركزي وزير المالية والبترول لمناقشة توفير الوقود لتشغيل المحطات الكهربائية، وشدد أن الدولة ملتزمة بما وعدت به للمواطنين.
طيب اية خطة الحكومة لتأمين التغذية الكهربائية في مصر؟.
الدكتور مصطفي مدبولي، رئيس مجلس الوزراء اتكلم كمان في النقطة ودي وقال أن الدولة حريصة علي أن يكون عندها حل لمشكلات الطاقة خلال الـ 5 سنين اللي جايين، ده غير اهتمام بالطاقة الخضراء، ومتابعة المشروعات البي بيتم تنفيذها على أرض الواقع وواحد من المشروعات دي هو مشروع تنفيذ مشروع إضافة قدرات من الطاقة الشمسية، بقدرة إجمالية 1200 ميجاوات اللي هيكون مضاف ليها بطاريات تخزين بسعة إجمالية 240 ميجاوات ساعة والى بيتم إنشاءه مع شركة مصدر الإماراتية، ده غير كمان المشروع اللي الحكومة بتدرس تنفيذه مع نفس الشركة لانشاء محطة طاقة شمسية بقدرة إنتاجية هتوصل إلى 4 جيجاوات، وفي أكثر من مشروع الدولة شغالة عليه حاليا لاضاقة قدرات جديدة علي الشبكة بحلول فصل الصيف اللي جاي .