نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
يا ترى لو أنت محتاج تاخد قرض من البنك عشان تتجوز وتكمل نص دينك، إيه هي الضمانات والشروط، وممكن البنك يديك فلوس لحد كام، وهل في مخاطر ممكن تقع فيها بسبب القرض ولا لأ.. هنقولك كل التفاصيل في الفيديو ده.
مع تزايد أعباء الحياة وارتفاع الأسعار، ناس كتير بتلجأ للقروض عشان تعمل مصلحة، زي إنها تشتري شقة أو عربية أو لو شاب عايز يتجوز.
ومن هنا، هنقولك إزاي تحصل على قرض شخصي من البنوك المصرية بدون ضمانات وبدون كمان ما تكون موظف، وتفاصيل التقديم على قرض شخصي والشروط والمستندات اللازمة.
بص يا سيدي في أكتر من بنك في مصر بيقدم خدمة القروض الشخصية بدون ضمانات، زي البنك التجاري الدولي (CIB)، واللي هيديك قرض بيبدأ من 5 آلاف جنيه لحد 8 مليون جنيه، حسب الوضع المالي لحضرتك.
ومدة القرض بتصل ل 8 سنوات، كمان متاح تقسيط شهري ممكن يصل إلى 50% من الراتب الشهري لحضرتك.
بس لازم تاخد بالك، إن معدل العائد على القرض ده بيتراوح بين 27% و36%، لكن في مرونة في فترة السداد من 12 شهر إلى 96 شهر، مع إمكانية السداد من خلال ماكينات ال Atm أو أي فرع للبنك في أي محافظة.
أما بنك قطر الوطني (QNB)، فهيقدملك قرض هو كمان بيوصل ل 4 مليون جنيه، وكمان بيضمن لك تأمين على الحياة مجانًا طوال مدة القرض.
ومن مزايا قرض QNB، هو إمكانية دمج دخل الأقارب للحصول على قيمة قرض أعلى، يعني لو حضرتك واخوك أو زوجتك عايز تاخد قرض أكبر، فده متاح.
Big Offers For Labtops عروض مميزة على اللاب توبلكن هتكون ملتزم بسداد أقساط شهرية ثابتة، ولو عندك حساب بنكي فيه فلوس هيتم خصم الأقساط أوتوماتيكيًا، من أول شهر لحد 6 الشهر ال84.
ومن أهم الشروط عشان تاخد القرض، إن سنك لا يقل عن 21 سنة ولا يزيد عن 60 سنة عند نهاية مدة القرض، وكمان الفلوس متاحة بالجنيه المصري والدولار الأمريكي، ضيف على ده إنه متاح للموظفين وأصحاب الأعمال الحرة.
تالت بنك هيديك قرض، هو بنك مصر، واللي بيوصل ل 3 مليون جنيه، على مدة سداد 12 سنة.
ومن أهم مزايا القرض، أنه بيكون ضامن وثيقة تأمين مجانية على الحياة والعجز الكلي، وكمان بيعفيك من مصاريف فتح الحساب.
أما المستندات المطلوبة للحصول على قرض بنك مصر، فهي: صورة بطاقة رقم قومي سارية، وإيصال مرافق حديث، وشهادة حديثة بمفردات الراتب، وكمان خطاب معتمد من جهة العمل.
كمان البنك الأهلي المصري، ممكن يقدملك قرض بيبدأ من 2.5 مليون جنيه للموظفين و3 مليون جنيه مع ضمان تحويل مكافأة نهاية الخدمة.
ومدة القرض ده بتصل إلى 12 سنة، وبيتيح لك تأمين على الحياة والعجز الكلي مجانًا، ومش شرط يكون في ضامن.
بس لازم تقدم خطاب معتمد من جهة العمل يوضح الدخل الشهري وتاريخ التعيين، وكمان تعهد جهة العمل بتحويل المرتب أو القسط للبنك، وصورة بطاقة الرقم القومي السارية، كمان عمرك لا يقل عن 21 عامًا ولا يزيد عن 60 عامًا في نهاية التمويل.
وفي النهاية، لو حضرتك ناوي تجيب قرض، شايف أي بنك مناسب لك؟
شكرا لمتابعينا قراءة خبر اقتصاد مصر | لو عايز تتجوز.. البنوك دي هتديك 8 مليون جنيه بدون ضمانات - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.