نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
يا ترى ايه آخر أخبار مفاوضات مصر مع صندوق النقد الدولي؟ وهل فعلا مسئولى الصندوق هيمنحوا الحكومة المصرية 3 مليار دولار اضافية على القرض القديم ؟ وليه الصندوق تخلى عن لهجته الحادة وتراجع عن مطلب تخفيض قيمة الجنيه ؟ وهل معنى الكلام ده ان مفيش تعويم جديد للعملة؟
كل المؤشرات بتقول المؤشرات أن 2024 ممكن يشهد انفراجة كبيرة في مفاوضات مصر مع صندوق النقد الدولي بشأن قيمة برنامج التمويل أو المراجعات اللي كان من المقرر يجريها الصندوق على قرض ال 3 مليار دولار اللى مصر اتفقت عليه فى ديسمبر 2022 وبيتضمن 8 مراجعات لكن محصلش منهم ولا مراجعة بسبب اعتراضات الصندوق على تنفيذ بعض الشروط المتفق عليها
ومن الربع الأول فى 2022 دخلت مصر في أزمة شح الدولار بعد إعلان تخارج أكتر من 20 مليار دولار من السوق بشكل مفاجئ. وفي إطار ضبط سوق الصرف لجأت الحكومة المصرية إلى أكتر من إجراء كان من أهمها العودة إلى صندوق النقد الدولي وطلب تمويل جديد.
Big Offers For Labtops عروض مميزة على اللاب توبوفي ديسمبر 2022 أعلن المجلس التنفيذي للصندوق موافقته على برنامج تمويل خاص بمصر بقيمة 3 مليار دولار وبالفعل صرفت الحكومة المصرية أول شريحة، لكن بسبب عدم الالتزام بأهم شروط الاتفاق والمتمثلة في تحرير كامل لسوق الصرف أرجأ الصندوق المراجعات اللي كان من المقرر يجريها على مدار العام لصرف باقي الشرائح التمويلية في مواعيدها.
ومن أيام كشف صندوق النقد الدولي ان مصر لازم تسدد حوالى 261 مليون دولار في يناير 2024 ضمن 6.7 مليار دولار مديونيات يتعين عليها سدادها للمؤسسة الدولية خلال 2024 وفى ديسمبر اللى فات سددت مصر نحو 564 مليون دولار للصندوق ليرتفع إجمالي ما تم سداده نحو 3.764 مليار دولار.
وفقا وكالة "بلومبرج" فبعد انتهاء الانتخابات الرئاسية بتستعد مصر لزيادة المساعدات المالية اللي ممكن تخفف من نقص الدولار وتحفز الاستثمار الأجنبي اللى بتشتد الحاجة ليه لحل أزمة نقص الدولار وبتقترب الحكومة المصرية من التوصل إلى اتفاق مع صندوق النقد الدولي لتوسيع برنامج التمويل اللي بتبلغ قيمته 3 مليار دولار إلى حوالي 6 مليار دولار والرقم مرشح للزيادة .
لكن لحد دلوقتى مش واضح الاتفاق ده ممكن يتم امتى وان كانت المؤشرات بتقول ان ده ممكن يحصل قبل نهاية الربع الأزل من 2024 .
شكرا لمتابعينا قراءة خبر اقتصاد مصر | هدية السنة الجديدة.. صندوق النقد يمنح مصر 6 مليار دولار - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.