نشكركم اعزائنا المتابعين لموقع مباشر مصر ونتمنى قراءة مميزة لهذا الخبر لو نفسك تعمل مشروع تكبر معاه وتحقق كل احلامك... طيب ازاي تجيب فلوس المشروع ده، وهل في بنوك بتقديم تسهيلات للحصول علي القروض، واية هيا الشروط اللي بتطلبها البنوك علشان تدي القروض، واية هيا الضمانات اللي بطلبها البنك الأهلي وبنك CIB لتقديم القروض
البنك الأهلي اعلن عن اتاحة تقديم قروض تأسيس وتمويل المشروعات الصغيرة بقيمة بتوصل الي 2 مليون جنية، وفايدة 5% متناقضة سنويًا للمشروعات الصغيرة، وبتوصل لـ 8% للمشروعات المتوسطة، وبتيح فترة السداد بتتراوح من 3 أو 6 شهور.
البنك الأهلي حدد شروط لتقديم قروض المشروعات الصغيرة والمتوسطة ابرزها أن يكون الشخص المتقدم للحصول علي القرض مصري الجنسية، ويكون سنه لا يقل عن 21 عاما ولا يقل عن 65 سنة، ويكون دخله الشهري الثابت لا يقل عن 3 الاف جنيها، ويكون الشخص المقترض يجيد القراءة والكتابة، وأخيرا يكون معاه ضامن علشان يأخذ القرض.
والبنك كمان حدد شوية مستندات لازم تجهزها وانت بتقدم علي القرض أولها تكون معاك بطاقة شخصية سارية وشهادة المؤهل الدراسي وبطاقة ضريبية وسجل تجاري وشهادة مزاولة العمل، ويكون معاك اسم النشاط اللي عايز تعمله والتكلفة بتاعته وتقدم دراسة جدوي مالية وفنية للمشروع، ده غير إيصال مرافق حديث لمقر المشروع وتستكمل باقي الإجراءات اللي هيحددها ليك البنك .
ومن البنك الأهلي بنروح معاكم لبنك CIB اللي أعلن عن تقديم قروض بتوصل الي 25 مليون جنيها للمشروعات الصغيرة والمتوسطة وطرح مجموعة من التسهيلات الائتمانية تلبي احتياجات الشركات، وكمان طرح تسهيلات ائتمانية بفترات سداد بتوصل لـ 5 سنوات.
بنك CIB أعلن علي موقعه الرسمي علي الانترنت اتاحة تمويل خطابات الضمان والاعتمادات المستندية للعملاء الحاليين والجدد بحد ائتماني بيوصل 25 مليون جنيه، وكمان بيقدم باقات شاملة ومتنوعة من البرامج التمويلية المصممة خصيصًا لتلبية مختلف احتياجات الشركات الصغيرة والمتوسطة.
البنك كمان اعلن عن تمويل السحب على المكشوف قصير الأجل لتمويل الاحتياجات الاستثمارية لعملاء قطاع الخدمات المصرفية للأعمال اللي بتشمل نفقات الموردين والتكاليف العامة والرواتب ومستحقات الضرائب والجمارك ده غير إصدار خطابات الضمان الابتدائية والنهائية والدفعة المقدمة مغطاة لدعم أنشطة الشركة للعملاء الحاليين والجدد.
شكرا لمتابعينا قراءة خبر اقتصاد مصر | قروض المشروعات 2024.. افتح مشروعك الجديد باطول فترة سداد - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.