نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
فيه انفراجة كبيرة بتحصل فى أزمة الدولار فى مصر والأيام الجاية مصر هتاخد 3 مليار دولار جديدة من مؤسسة تمويل مهمة .. والمبلغ ده هيكون ليه مردود ايجابي كبير على سوق الصرف وهيساهم بنسبة كبيرة فى وقف جنون دولار السوق السودا وهيوقف القفزات المجنونة في سعر العملة الأمريكية.. وهيمكن الحكومة من السيطرة على الأسواق.. فيا ترى الدولارات دي هتيجي منين؟ والدولة هتصرفها في ايه؟ وايه تأثيرها على السوق السودا للعملة؟
من فترة قولنا لحضراتكم ان موقف صندوق النقد من مصر اتغير 180 درجة ولهجة المسئولين فى الصندوق فيما يتعلق بمصر اختلفت تماما وبدل ما كل التقارير والتصريحات اللى كانت بتخرج من الصندوق كانت بتطالب بتحرير سعر صرف الجنيه وضرورة خروج الدولة من الاقتصاد.. الكلام دلوقتى بقا ان تحرير سعر الصرف مش أولوية خالص بالنسبة للصندوق وان الأهم مساعدةة مصر على حل مشكلة التضخم اللى سجل مستويات تاريخية
وفى الساعات الخيرة طلعت تصريحات من مسئول كبير جدا فى الصندوق أكد فيها انه هيتم خلال أسابيع بدء محادثات جديدة مع الحكومة المصرية وهيتم التحضير للمراجعتين الأولى والتانية لقرض ال 3 مليار دولار اللى مصر اتفقت عليهم مع الصندوق فى شهر ديسمبر 2022 واللى اتأخر اجراؤهم بسبب اصرار مسئولى الصندوق فى فترات فاتت على تطبيق بعض الشروط ومنها تطبيق سعر صرف مرن وتسريع وتيرة بيع الشركات الحكومية
مسئول صندوق النقد قال ان التحديات اللي مرت بيها مصر في 2023 ممكن تتطلب تمويل إضافي واكد أن برنامج صندوق النقد الدولي مع مصر وضع على أسس السياسة المصرية اللي بتستهدف المحافظة على الاستقرار ومعالجة مشكلة التضخم وحماية الاقتصاد من الصدمات الخارجية من خلال مرونة سعر الصرف وتسريع وتيرة الاستثمار خصوصا ان شهد الاقتصاد المصري هيواجه تحديات إضافية في 2024 .
وشدد على ان لتعاون بين صندوق النقد الدولي ومصر مستمر وهيجري العمل حاليا على التحضير للمراجعتين الأولى والتانية خلال الأسابيع الجاية وان أن التمويل الإضافي لمصر من الأمور المطروحة بقوة نظرًا لتحديات الإضافية اللى اتفرضت على مصر بعد العدوان الاسرائيلي على غزة لكنه أكد على ان التمويل بيرتبط بتنفيذ الإصلاحات الاقتصادية ووتيرتها وسرعتها وتأثيرها الإيجابي على الاقتصاد المصري والحاجات التمويلية للاقتصاد.
Big Offers For Labtops عروض مميزة على اللاب توبوزي ما هو معلن فالهدف من برنامج صندوق النقد الدولي مع مصر هو إعادة تسريع وتيرة النمو الاقتصادي ليعود إلى ما كان عليه عند مستويات تتراوح بين 4 إلى 6%، والمحافظة على الاستقرار المالي والاقتصادي ومعالجة مشكلة التضخم .
ومن أهداف البرنامج كمان رفع تنافسية الاقتصاد المصري وتخفيف حجم القطاع العام لصالح القطاع الخاص اللي بيخلق فرص عمل أكتر، وكمان معالجة الاختلالات فى الميزان التجاري وميزان المدفوعات.
طب مصر هتاخد كام تمويل اضافى من صندوق النقد؟
وفقا لتصريحات رسمية من المسئولين فى الصندوق وفى وزارة المالية المصرية فمن المتوقع ان البرنامج التمويلي لمصر مع الصندوق يتضاعف الى 6 مليار دولار يعنى مصر هتاخد 3 مليار دولار اضافية وغالبا المبلغ الجديد مش هتكون شروطه صعبة زي ما حصل مع القرض اللى تم الاتفاق عليه فى نهاية 2022
وطبعا ضخ 3 مليار دولار فى شرايين الاقتصاد هيساهم فى زيادة المعروض من العملة الأجنبية وهيؤدي الى تقليل الطلب على الدولار وسعره بالتالى هينزل فى السوق السودا ومعاه ممكن اسعار سلع كتير تنزل والمور تبدأ تتحسن
شكرا لمتابعينا قراءة خبر اقتصاد مصر | الوضع اتغير 180 درجة.. 3 مليار دولار هدية لمصر في 2024 - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.