نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
الدولار رايح على فين الايام الجاية وايه حكاية رساله صندوق النقد الدولي اللي ضربت سوق الدولار وايه المفاجأة المنتظرة بعيدا عن صندوق النقد.. تفاصيل كتيرة ومفاجآت من العيار التقيل هتعرفوها بس خليكم معانا لآخر الفيديو .
ناس كتير مش واخدة بالها من العلاقة بين الحكومة المصرية وصندوق النقد الدولي واللي معطل قرض مصر من مارس اللي فات ومقضيها مفاوضات مع الحكومة شوية بسبب التعويم وتحرير سعر الجنيه بشكل كامل ومرة بسبب التضخم ومرة عشان برنامج الطروحات الحكومية وفي وسط دا كله مصر بتعمل اللي شايفاه في مصلحتها ورفضت سياسة الصندوق في حاجات كتير في برنامج الإصلاح الاقتصادي وهنا يجي سؤال مهم ليه الصندوق ما أعلنش فشل المفاوضات مع مصر ولغى القرض وريح نفسه..
شوف يا فندم الصندوق عمره ما هيعمل كده ودا عشان مصلحته في الأول والآخر لأن مصر تاني اهم زبون عنده وتاني حاجة عشان اقتصاد مصر مش ضعيف وعنده تنوع وإمكانيات كبيرة رغم الأزمات الكتيرة والصندوق عارف إن الاقتصاد ممكن ينطلق في أي وقت بعيد عن الصندوق وعارف كمان إن مصر دخلت بريكس رسميا وعندها بنك تابع للبريكس بيدي قروض وبشروط ميسرة وفايدة أقل وعشان كده غير نبرته وقال إن الصندوق قرر يعمل المراجعتين المتأخرين خلال أول شهور في السنة الجديدة ومش كده وبس دا كمان طلع في الساعات اللي فاتت وقال تصريح مهم جدا وهو إن الاقتصاد المصري متين وقوي وقال إن فيه اخبار إيجابية عن المفاوضات مع الحكومة المصرية.
أهمية تصريح صندوق النقد انعكست بسرعة على سعر الدولار في السوق السوداء واللي بتنخفض ، ومع وصول الدفعات من صندوق النقد، وتفعيل برنامج الطروحات الدولارية، الأمر هيختلف تماماً ودا قريب جداً.
وقال الصندوق إن مصر طرحت 5.6 مليار دولار في 2023 في برنامج بيع حصص في الشركات والتخارج ومتوقع تحقيق طروحات قوية وعالية الفترة الجاية في 2024، ومعنى كلام الصندوق إن المرحلة الصعبة في المفاوضات انتهت وفيه برنامج جديد تم اعتماده والأهمية الأكبر في الاتفاق مع الصندوق بتكمن في فتح الطريق للاستثمارات الأجنبية وتغير تقارير التصنيف الائتماني الدولية لمصر ودا بيشكل مع إجراءات تانية نقطة تحول فاصلة في الاقتصاد المصري واللي رجع ينتعش بقوة رغم الظروف العالمية والتوترات اللي جاية ودا بيأكد إن 2024 هتكون سنة العبور والتعافي من الأزمات وأولها الدولار واللي بيعتبر ابو المشاكل في مصر.
شكرا لمتابعينا قراءة خبر اقتصاد مصر | اقتصاد مصر متين.. رسالة غامضة من صندوق النقد تضرب السوق السوداء للدولار - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.