نشكركم اعزائنا المتابعين لموقع مباشر مصر ونتمنى قراءة مميزة لهذا الخبر واضح كده ان الدولة مصممة تحط نهاية لأزمة الدولار في 2024 ، وواضح انها مجهزة خطة كاملة متكاملة للتعامل مع شح العملة الأجنبية ومش هتسيب الفوضى اللى بتحصل في سوق الصرف تستمر.. وده لأن مفيش دولة في العالم بيحصل فيها اللى حاصل عندنا في مصر وازاى بقا فيه اكتر من 5 أسعار للدولار وكل قطاع بيسعر العملة الأمريكية بمزاجه.. وفى الأيام الجاية فيه خطوة هتحصل هتكون أكبر مفاجآت السنة الجديدة.. فيا ترى ايه هي المفاجأة دي ؟ وايه تأثيرها على سعر صرف الجنيه امام باقي العملات ؟ وايه الدور اللى هتلعبوا روسيا في خطة الحكومة للقضاء على السوق السودا للعملة؟
من 1 يناير اللى فات مصر انضمت بشكل رسمي الى تحالف بريكس اللى بتقوده روسيا وبيعتبر واحد من اهم التكتلات الاقتصادية عالميا وبيسيطر تقريبا على 30% من حجم التجارة العالمية ومن خلال التحالف ده مصر هتوقع على اتفاقيات مبادلة عملات محلية مع دول مهمة زي روسيا والصين والهند والبرازيل والسعودية والامارات ودول تانية ومن خلال الاتفاقيات دي هيتم التخلي عن الدولار في المعاملات التجارية وهيتم استبداله بالعملات المحلية للدول الأعضاء في بريكس وده هيخفف الضغط على الالاحتياطي النقدي وهيقلل فاتورة الاستيراد بالدولار وهينوع مصادر الاستيراد ويخلى مصر تشترى سلع من أسواق مختلفة وبأسعار أقل بكتير من اللى بتشتريها دلوقتي.
طب ده اللي هيحصل بعد الانضامام لبريكس.. امال ايه المفاجأة الكبيرة ؟
بص مصر شغالة من فترة مع روسيا للوصول الى اتفاق مهم وتاريخي بيشرف عليه الرئيس السيسي والرئيس بوتين شخصيا والاتفاق ده هيتم من خلاله اعتماد آلية تسمح باستخدام الروبل في التبادل التجاري مع روسيا.. وبناء عليه هيتم اعتماد الروبل الروسي ضمن المعاملات وهيتم وضعه على شاشات عرض أسعار العملات في البنوك
طب امتى الاتفاق ده هيشوف النور ؟
وفقا لملعولماتنا في بانكير البنك المركزي المصري والبنك المركزي الروسي بيحطوا اللمسات النهائية على الاتفاق وخلال فترة قريبة جدا هيتم الإعلان بشكل رسمي عن كل تفاصيل الاتفاق وفيه توافق واهتمام كبير من البلدين لانجاز الاتفاق في أسرع وقت ممكن
ووفقا لمصادر مصرفية مرموقة فخلال فترة صغيرة جدا هيكون الروبل الروسي مدرج في قايمة العملات اللي هتستخدمها البنوك المصرية، وشركات السياحة والفنادق بالسوق المحلي بهدف تعزيز السياحة الروسية في مصر.. والبنك المركزي بالتعاون مع وزارة المالية هيسمح للبنوك في مصر بالوصول إلى نظام بطاقات الدفع الروسي عشان يسهل من إتمام عمليات التجارة البينية بين البلدين.
وقرار استخدام الروبل الروسي هدفه تحقيق انتعاش اقتصادي في إطار محاولات مصر تنويع مصادر العملات الأجنبية وده هيساعد مصر في شراء المنتجات الروسية خاصة القمح والأسمدة بالعملة الروسية
طب واعتماد الروبل كعملة تبادل تجاري هيفيد بإيه ؟
لا ده هيكون ليه فوايد كبيرة جدا لمصر وهيخفف الضغط على الدولار وهيخلي أي حاجة بنستوردها من روسيا ندفع سعرها بالروبل واحنا بنجيب من روسيا كميات كبيرة من القمح وبدل ما نتسنزف الدولار هندفع بالعملة الروسية كمان السياحة الوافدة لمصر من روسيا هتدفع بالجنيه المصري وده هيعلى الطلب على العملة المصرية وهيخليها تسترد جزء من قيمتها المفقودة
وامتى بدأ التفكير في اعتماد الروبل كعملة تبادل تجاري مع مصر؟
القصة دي بدأت سنة 2015 تقريبا ووقتها كشفت مصادر أن البنك المركزى المصري بيدرس إقرار الروبل الروسي كعملة مبادلات
واتقال ان مصر معندهاش مشكلة في التعامل بالروبل الروسي بدلا من الدولار في التجارة الدولية مع روسيا لأن ده هيحمي الجنية من تقلبات وتذبذب سعر صرف العملة الأمريكية وتاثير ده الكبير على المعاملات التجارية .. والآلية المنتظر تنفيذها هتتضمن الاستيراد من روسيا بالروبل والتصدير ليها بالجنيه وه هيقلل اعتماد التجارة المشتركة على عملة واحدة وهيساهم في تشجيع التجارة البينية بين البلدين وفقا لاتفاق شراكة استراتيجي
شكرا لمتابعينا قراءة خبر اقتصاد مصر | أكبر مفاجآت 2024.. مصر تستعين ببوتين لتوجيه الضربة القاضية للدولار - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.