اقتصاد مصر | 30 مليار دولار في الطريق.. اية اللي بيحصل في السياحة - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر  

معروف عن قطاع السياحة أنه واحد من الروافد المهمة للعملة الاجنبية في كل دول العالم، وواضح ان الدولة عندها هدف انها تغير نظرتها للقطاع كده، وناوية تحقق منه رقم قياسي جديد بالوصول الي 30 مليون سائح في 2028.. طيب اية اللي بيحصل في قطاع السياحة وازاي الدولة هتوصل للرقم ده... وكام اجمالي الايرادات اللي الدولة بستهدفها في الولاية الجديدة للرئيس السيسي.

واضح كده الدولة حاطة حل ازمة الدولار هدف اساسي قدام عينها في الولاية الجديدة للرئيس عبدالفتاح السيسي من الفترة من 2024 الي 2030، وبدري بدري كده جابت قيادة مصرفية ناجحة علشان يبتدي ينشط قطاع السياحة وحطت خطة للوصول الي 30 مليون سائح في 2028 وتحقيق 30 مليار جنيه ايرادات.
طيب هنوصل للرقم ده ازاي في عز الازمات اللي بيعاني منها قطاع السياحة؟.
الدولة خذت قطاع السياحة والآثار علي شقين الشق الأول هو الآثار، وعملت خطة مكبرة لترميم المتاحف والمناطق الآثرية علي مستوي الجمهورية علشان تكون جاهزة لاستقبال الوفود السياحية من كافة دول العالم، لان الدولة عارفة ان الاثار المصرية هو المعلم الأول للزائر الاجنبي اللي جاي مصر، واستغلت الدولة وجود الدكتور خالد العناني وزير السياحة والآثار السابق شغله كمرشد سياحي في النقطة دي كويس قوي وعلمت نهضة كبيرة في قطاع الاثار وكان اخرها حفل نقل المومياوات الملكية من المتحف المصري بالتحرير الي المتحف القومي للحضارة وحفل افتتاح طريق الكباش بالاقصر واللي حول نظره العالم للسياحة المصرية نظره ثانية خالص .

طيب الدولة استفادت من قطاع السياحة في النهوض بالسياحة ازاي؟.
الدولة عرفت تلعبها صح واستغلت حفل افتتاح طريق الكباش ونقل الموامياوات الملكية من المتحف المصري بالتحرير الي المتحف القومي للحضارة المصرية في الترويج للسياحة المصرية ونحجت في جذب انتباه كل دول العالم للاثار المصرية من ثاني بعد الفوضي اللي الدول المنافسة لينا في قطاع السياحة صدرتها للغرب عن مصر ، واختارت شركة عالمية لاخراج واذاعة حفل المومياوات الملكية وافتتاح طريق الكباش في اكثر من 150 دولة حول العالم، واللي كان له مفعول السحر في زيادة حركة السياحة الوافدة لمصر.
طيب اية اللي جاي بعد كده؟.
الدولة شافت انها عملت المطلوب منها في شغل الآثار، وجه دور شغل السياحة وجابت قيادة مصرفية لها تاريخ كبير في القطاع المالي والمصرفي وهو أحمد عيسي واللي كان بيشغل رئيس قطاع التجزئة المصرفية في البنك التجاري الدولي، والتكليف بتاعه كان واضح من البداية وهو تحويل قطاع السياحة لرافد مهم للعملة الخضراء، واستهدفت الدولة تحقيق 30 مليون سائح وتحقيق 30 مليار دولار بنهاية عام 2028 .

اية اللي عمله وزير السياحة والآثار الجديد علشان يحقق المطلوب منه؟.
الخلفية المصرفية لوزير السياحة والآثار وعلاقته الكبيرة بالقطاع المصرفي حلت مشاكل كثيرة في صرف القروض للفنادق والقري السياحية اللازمة لعمليات تطوير البنية التحتية ونجحت الوزارة في اضافة 25 الف غرفة فندقية جديدة مجهزة لاستقبال السائحين عن طريق فتح الاستثمار الفندقي، ونجح في اقناع مجلس الوزراء بزيادة الحوافز المالية المخصصة لبرنامج تحفيز الطيران العارض، ونجحت الوزارة في تحقيق ايرادات وصلت الي 14 مليار دولار في عام 2023، والرقم ده كان مرشح للزيادة لولا قيام الحرب الاسرائيلية علي قطاع غزة وتاثيرها علي السياحة الوافدة لمصر.

طيب اية اللي جاب بعد كده؟.
الدولة حاليا شغالة ثاني في مجال المتاحف علشان تعيد جذب انظار العالم للسياحة والاثار المصرية وبتجهز حاليا حدث ضخم هيكون الأول من نوعه وهو حفل افتتاح المتحف المصري الكبير واللي مرشح انه يستمر اسبوع كامل، اليوم الأول له هيكون لرؤساء الدول والأمراء وملوك العالم، واليوم الثاني لرؤساء الحكومات حول العالم، واليوم الثالث للوزراء، والرابع لرجال الاعمال والمشاهير وغيرهم من اصحاب الأموال وهيكون حدث فريد من نوعه بافتتاح اكبر متحف في العالم .