اقتصاد مصر | ملايين بالكوم.. تفاصيل استثمارات القطاع الخاص بالمواقع الأثرية - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر  

مصر متميزة من قديم الأزل بالحضارة والاثار الفريدة اللي مفيش لها مثيل علي مستوي العالم، والعادة اللي كانت الحكومة ماشية بيها زمان أن الاثار والمتاحف موجودين علشان الزيارة بس يعني يا دوب علي قد حق تذاكرة الزيارة، والعائدات بتاعهم مكانتش بتكفي رواتب الموظفين والعاملين بقطاع الآثار لا دول كانوا بياخذوا من الموازنة العامة للدول علشان يكملوا... دلوقتي الحال اختلف تماما.. المواقع الاثرية والمتاحف بقت مصدر مهم من مصادر الدخل القومي المصري، يا تري اية اللي عملته الحكومة للاستثمار في المواقع الاثرية.. يا تري أية الجديد في اللي عملته الحكومة علشان تحول قطاع الاثار لمصدر للعملة الصعبة.

 
الحكومة في الفترة الآخيرة افتكرت ان عندنا اثار... جميع المنتجين وأصحاب رؤؤس الأموال وأشهر مصممي الأزياء حول العالم يتمنوا يعملوا فيها حفلة او ينظموا فيها معرض او يفحتوا فيها مطعم او بزار ويكون خلفية العرض اثر تاريخي زي الاهرامات او قلعة صلاح الدين او متحف مهم زي المتحف المصري بالتحرير او المتحف المصري الكبير.. ودخلت نوع جديد من الاستثمار في قطاع الاثار وفتحت المواقع الاثرية للقطاع الخاص لاقامة مشروعات الخدمات السياحية للزائرين والترويج لإقامة الحفلات الخاصة بشرط عدم المساس بالأثر ووفق للشروط والقواعد التي بقرها المجلس الأعلى للآثار .

طيب اية المواقع الاثرية المتاحف اللي دول سمحت للقطاع الخاص الاستثمار فيها؟.

الدولة مؤخرًا فتح الباب قدام القطاع الخاص للشراكة في تقديم وتشغيل الخدمات السياحية في المواقع الاثرية وكانت البداية بمنطقة الاهرامات اللي اخذتها شركة اوراسكوم بيراميذر المملوكة لرجل الأعمال نجيب ساويرس بقيمة 20 مليون جنيها سنويا لمدة 15 عام، والمتحف المصري المصري الكبير اللي اخذته شركة حسن علام للمشروعات، وغيرها من المواقع زي المتحف القومي للحضارة المصرية، وقلعة صلاح الدين الايوبي، وقصر محمد علي بشبرا، وقصر البارون، والمتحف المصري بالتحرير.

مش بكده بس، الدولة فتحت الباب كمان للدول والمؤسسات الثقافية حول العالم للدخول في مجال ترميم وصيانة الآثار تحت إشراف المجلس الأعلى للآثار، ومنها على سبيل المثال مشروعات ترميم مسجد الظاهر بيبرس اللي ساهمت فيه دولة كازاخستان، ومسجد الطنبغا المرداني بالدرب الأحمر بتمويل من الاتحاد الأوروبي ومشروع الإدارة المتكاملة للسياحة الثقافية اللي بتموله الوكالة الأمريكية للتنمية الدولية بتكلفة ١٣ مليون دولار .

طيب كام الإيرادات اللي الدولة حققتها من الشراكة مع القطاع الخاص؟.
الوزير أحمد عيسي وزير السياحة والآثار ساخب الخلقية المصرفية في البنك التجاري الدولي واللي الدولة استعانت بيه علشان يعظم إيرادات قطاع السياحة والآثار جه في محله، ونجح في رفع الإنفاق الاستثماري للمجلس الأعلى للآثار من 1,5 مليار جنيه إلى 3 مليار جنيه خلال سنتين بس، وانخفض العجز الممول من الدولة لقطاع الآثار من 2 مليار جنية الي ما يقارب الصفر.

أحمد عيسي وزير السياحة والآثار أكد أن تطوير وتشغيل وإدارة الخدمات بالمواقع الأثرية واحد من اهم أسباب جذب السائحين والزائرين، وأن رفع الخدمات السياحية للزائرين بالمواقع الاثرية هيكون له مردود علي السائح لتكرار الزيارة مستقبلا.

وزير السياحة والآثار كمل كلامه وقال ان الدولة حاليا شغالة علي مشروعات ترميم وتطوير المناطق الاثرية في محافظة القاهرة بهدف استعادة الوجه الحضاري للقاهرة التاريخية كنوع جديد للسياحة المصرية، وان المجلس الأعلى للآثار عرض ٢٠ موقع اثري للاستثمار السياحي بعد انتهاء عمليات تأهيلهم وتجهيزهم للتشغيل، وشغالين حاليا علي تجهيز 11 موقع ثانيين في القاهرة التاريخية والأقصر علشان يكونوا جاهزين لتكوين للاستثمار السياحي والثفافي .

الدكتور مصطفي وزيري الأمين العام للمجلس الأعلى للآثار قال أن مصر بتمتلك ما يقرب من 2000 موقع أثري في جميع أنحاء الجمهورية منهم 130 موقع فقط مفتوح للزيارة، و 40 متحف منهم 30 فقط مفتوح للزيارة، وده بيأكد علي وجود مساحة كبيرة للتعاون مع القطاع الخاص لإسناد وإدارة وتشغيل الخدمات السياحية فيهم للزائرين.