اقتصاد مصر | الاقتصاد المخفي.. قصة العالم المخيف اللي بيدمر البلد - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر هي مصر فعلاً عندها أزمة دولار ودهب وغلاء .. ممكن يكون السؤال ساذج واي طفل صغير هيرد علينا ويقول طبعا يعني انتوا مش شايفين حال البلد لكن لو قلنالك إن مصر اكتر دولة في افريقيا والشرق الأوسط فيها دولار ودهب.. هنقولكم إزاي بالراحة خليكم معانا
 

في كل دول العالم حتى المتقدم منه عندها اقتصاد رسمي واقتصاد سري ومخفي وأسود لكن في العادة الاقتصاد الاسود واسمه اسود عشان بيتم في الضلمة ولأنه مخالف للقانون وغير شرعي بيكون حجمه أقل من الاقتصاد الرسمي لكن في مصر الاقتصاد السري تضخم بشكل مخيف وبقي خطر على الدولة وسبب أزماتها زي حد بيعوم وواحد ماسك رجليه في الميه والنتيجة لو معافرش هيغرق وكفاية تعرف إن حجم السوق السوداء للدولار 50 مليار دولار وفي نفس الوقت كل أزمة مصر في الدولار حوالي 17 مليار دولار هي حجم الفجوة الدولارية بين المطلوب والمتوافر في البنوك وتخيل لو دولارات السوق السوداء راحت البنوك كل مشاكل البلد هتخلص في ساعة واحدة.
وفي سوق الدهب مصر فيها كميات كبيرة تغرق السوق ومبادرة دخول الدهب من غير رسوم وحدها دخلت حوالي 4 طن للسوق لكن للاسف كميات كبيرة من الدهب متخزنة عند تجار السوق وحيتان الدهب وبيعرضوا بالقطارة عشان الأسعار تفضل غالية ودخلت باقي الكمية في الاقتصاد السري ، ونفس الحكاية في سوق السلع مصر عندها انتاج زيادة مثلاً في السجاير والسكر والحديد لكن النتيجة الأسعار راحت في داهية بسبب الاحتكار والتخزين وتقليل المعروض واي سلعة بتغلى هتلاقي وراها اقتصاد اسود ومخفي.

خطورة الاقتصاد السري إنه بيضخم الأزمات ويصعب المشاكل والدولة بتخسر لأنه نشاط ضخم وبمليارات الدولارات ومش بتستفاد منه لا في ضرايب ولا رسوم ولا في المعاملات الرسمية ولاول مره الاقتصاد السري في مصر يتوحش كده ويبقي غول بيبلع اي جهود للحكومة أو الدولة .. اقتصاد بيوقع البلد مش بيقومها وللاسف الاقتصاد ده كل ماله ما بيزيد عشان المكاسب الخيالية اللي فيه سواء في سوق العملة أو الدهب أو السلع.. حد يسأل فين الدولة.. هنقوله موجودة وبتحارب على قد ما تقدر لكن احنا عندها في كل خرابة عفريت وتاجر سوق سودا في العملة والدهب والسلع والقبض عليهم كلهم من غير أدلة صعب ومحتاج أدلة وتلبس ودا اللي شغالة عليه الدولة دلوقتي.
والخطورة الأكبر في الأسواق اللي تحت الأرض أنها بقت باب خلفي لدخول أطراف خارجية كل همها تزود الأزمات لأهداف واجندات تانية خالص بعيدة عن المكسب .. أجندات مدمرة وبتتمول بشيكات على بياض عشان البلد توقع ودا ظهر في مراحل كتير من الأزمات اللي استغلالها الأطراف دي عشان تنفخ في النار وتولع في مصر كلها... باختصار احنا قدام تنظيمات ومافيا في كل قطاع وخفافيش ظلام شغالة مع نفسها عشان تاخد اللي تقدر عليه وعالم مخيف بتديره شبكات من جوه ومن بره ومش عاوزة الخير للبلد دي والكلام ده مش إنشا ولا كلام في الفاضي لكن ده واقع وحقيقي وكلنا شايفينه ولازم خطة عاجلة لمواجهة اللي بيحصل من ورا ضهر الدولة.
وهنقولكم على شوية ارقام رسمية عشان تعرفوا حجم الدولة الموازية في مصر .. فى دراسة تعود إلى نهاية 2018 ، اعدتها لجنة الضرائب باتحاد الصناعات المصرية، عن حجم الاقتصاد غير الرسمى أو ما يطلق عليه الاقتصاد الخفى قدر بحوالى 4 تريليون جنيه، بما يعادل  60% من حجم التعاملات السنوية للاقتصاد والمقدرة بنحو 400 مليار دولار وخلي بالك الدراسة ديمن حوالي 5 سنين قبل توحش اسواق الدولار والدهب والسلع السرية يعني تقدر تزود على الرقم دا براحتك وتتخيل قد إيه مصر فيها فلوس ودولارات ودهب لكن للأسف بتدار في أسواق سودا.