اقتصاد مصر | لأول مرة .. السيسي يكشف طريقة حل أزمة الدولار في مصر - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر  

مفيش حد فى مصر الا وبيسأل .. يا ترى ازاي الدولة ممكن تحل أزمة الدولار؟ وايه الأدوات اللى بتملكها لتوفير العملة الأجنبية ؟ وامتى ممكن تقضى على السوق السودا للدولار اللى خلت الاسعار تطير وازادت العباء على المصريين؟.. والنهاردة الرئيس السيسي جاوب لأول مرة على الأسئلة دي وكشف طريقة حل أزمة الدولار فى مصر .. فيا ترى الرئيس قال ايه ؟ وازاى هيتعامل مع ازمة نقص العملة اللى بتعانى منها مصر؟

من ساعات الرئيس السيسي كان بيحضر الاحتفال بعيد الشرطة 72 وخلال كلمة ليه فى الحفل فتح قلبه واتكلم مع المصريين بصراحة عن أزمة الدولار وايه أسبابها وكمان ممكن نحلها ازاى.. الرئيس اتكلم بوضوح وبأرقام عن حجم الأزمة والتحديات اللى بتواجهها الحكومة وكمان الأفكار اللى من خلالها ممكن الدولة تقدر تعبر واحدة من أخطر الزمات فى الفترة الأخيرة

الرئيس قال ان الدولة مطالبة شهريا بتوفير غاز لمحطات الكهربا بحوالى مليار دولار وقال ان ده من الساسيات ومينفعش الدولة ما توفرهوش للمواطنين وقال كمان ان مصر خسرت ما يقرب من 450 مليار دولار من بعد يناير 2011.

وتعليقا على أزمة نقص العملات الأجنبية اللي بتعاني منها مصر حاليا وأدت لارتفاع سعر الدولار في السوق السوداء لما يزيد على ضعف سعره الرسمي في البنوك قال السيسي ان الدولار بيمثل دايما مشكلة للدولة المصرية واكد ان أحد  أسباب مشكلة الدولار فى مصر تتعلق بدفع الحكومة تكلفة توفير بعض الخدمات بالدولار رغم انها بتتباع في السوق المحلي بالجنيه وضرب مثل ان مصر بتنفق مليار دولار شهريا على السلع الأساسية زي القمح والزيوت النباتية ومليار تانية على الوقود من بنزين وسولار.

طب ازاى الدولة هتحل أزمة الدولار ؟

الرئيس جاوب على السؤال ده وقال ان الفجوة الكبيرة بين الصادرات والواردات واحدة من مسببات أزمة الدولار وقال ان الدولة بتسعى فى الفترة الجاية لزيادة مواردها من الدولار وتعظيم السيولة الدولارية من المصادر الثابتة زي السياحة والصادرات وقناة السويس وفى نفس الوقت بتحاول تقلل فاتورة الاستيراد لأقل حد ممكن مع الاعتماد على الممنتج المحلى وتوطين كتير من الصناعات  

الرئيس السيسي اتكلم كمان بصراحة عن الأزمة الاقتصادية وقال إن التحديات الاقتصادية اللي بتواجه الدولة كبيرة جدا لكن أكد ان الشعب المصري قادر على تخطي الأزمة بالتكاتف والتلاحم

الرئيس قال نصا : "اوعوا تتصوروا كمصري زيكم مش مقدر حجم المعاناة والضغوط الاقتصادية الموجودة في مصر.. مقدرها كويس ومقدر أكثر صلابة المصريين.. وده مش كلام معنوي.. لا والله.. عارف أن الحياة صعبة والظروف صعبة والأسعار غالية.. يمكن ربنا أراد أننا مشاهد قاسية جدا في قطاع غزة.. 25 ألف شهيد من المدنيين تلتهم من النساء والأطفال.. 60 ألف مصاب.. تدمير كامل للقطاع كله.. أنا بقول الكلام ده بستدعي بيه.. قد إيه أحنا بنواجه ظروف على حدودنا الغربية والشرقية والجنوبية".