نشكركم اعزائنا المتابعين لموقع مباشر مصر ونتمنى قراءة مميزة لهذا الخبر أخبار وتقارير مهمة جدا تناولت كل جوانب الوضع الاقتصادي والمستجدات في مصر على مدار أسبوع كامل، وفي الفيديو ده هنفكركم بأهم الأحداث اللي حصلت.. خليكم معانا.
الحقيقة منصات بانكير قدمت على مدار الأسبوع عدد من التقارير المهمة جدا ..
وكانت البداية من المعلومات اللي حصلت عليها بانكير بخصوص التشكيل الوزاري الجديدة وشخصية رئيس الحكومة المنتظر.
وحسب المعلومات رئيس الحكومة اللي جاي شخصية تقيلة جدا و هادي وعبقري اقتصاد لكن في الوقت نفسه حازم وحاسم ومابيرحمش في فساد أو تقصير، شخصية تقيلة لكن مفاجأة.
وعرض التقرير أسباب تأخر التشكيل الوزاري الجديد ودا بعد شبه تأكد من رحيل حكومة مدبولي في الايام الجاية بسبب اخفاقات مهمة في ملف الدولار والدهب والأسعار
وان سبب تأخير اعلان الحكومة الجديدة هو اعطاء رئيس الوزراء الجديد فرصة لدراسة الملفات الصعبة واجراءات نقل المسئولة وفرصة لاختيار الوزراء اللي هيشاركوه المسئولية.
وقال التقرير إن عملية تسليم وتسلم الحكومات من بعض معقدة جدا وبتاخد وقت وحسابات ومراجعات وحساب كل صغيرة وكبيرة.
والأهم بقي زي ما قال التقرير إن رئيس الحكومة الجديد اختار فعلا أسماء الوزراء البس هيشتغلوا معاه وهو من النوع اللي بيصحي 5 الصبح وبينام اخر واحد واسمه هيكون مفاجأة سارة وخلال أيام كلنا هنعرفه.
ومن الأحداث التاريخية اللي حصلت في الاسبوع الماضي زي ما وصفها الرئيس السيسي نفسه وهي مشاركة الرئيس الروسي فلاديمير بوتني في افتتاح أحد أهم مراحل مشروع الضبعة النووي عبر تقنية الفيديو كونفرانس مع الرئيس السيسي.
وسلط التقرير الضوء عن أهمية مشروع الضبعة النووي وإزاي الرئيس السيسي قال إنه كان فيه صعوبات كبيرة في طريقة ومقالش تفاصيل لكن طبعا متوقع يحصل ده لأن فيه اطراف كتير مش عاوزة مصر تملك قدرات طاقة كهربائية ضخمة جدا وتصدرها لدول المنطقة وأوروبا.
ومن بين التقارير اللي قدمناها لحضراتكم على مدار الاسبع كان بخصوص قرب اصدار البنك المركزي المصري لاجراءات قاسية خلال الفترة الجاية
وحسب المعلومات اللي حصل عليها بانكير صناع السياسة النقدية فى البنك المركزين رافضين وبقوة فكرة تخفيض قيمة الجنيه وشايفين ان الوضع الحالى لايسمح بتعويم جديد للجنيه وان السعر اللى بيتداول بيه الدولار فى السوق السودا سعر مفتعل وغير حقيقي ومش هو خالص السعر العادل للعملة الأمريكية فى مقابل الجنيه والكلام ده قالوا قبل كده رئيس الوزراء لما اتكلم عن اللى بيحصل فى سوق صرف العملات الأجنبية وقال ان الجنيه مقيم بأقل من سعره بكتير وان السبب فى ده نقص العملة الأجنبية ومع توفير سيولة دولارية الجنيه هيسترد كتير من قيمته المفقودة
واستعرض تقرير بانكير مجموعة قرارات ممكن تصدر عن البنك المركزي لضبط سوق صرف العملات لإنقاذ ملف الاستثمار و جذب روءس أموال أجنبية لأنه مفيش مستثمر هييجي يحط فلوسه وهو لا عارف هيصرف كام ولا هيكسب اد ايه ولا ايه الميزانية اللى ممكن يحطها لمشروعه
ومن الاجراءات اللى هتكون قاسية بس شر لابد منه رفع اسعار الفايدة على الايداع والاقراض لمواجة غول التضخم والمحافظة على اموال المودعين من التآكل وكمان توفير أوعية ادخارية جاذبة للعملاء خصوصا بعد طرح شهادة ال 27% اللى اطلقها البنك الاهلى وبنك مصر من حوالى اسبوعين
وعرضت منات بانكير تقرير مهم جدا بعيد شوية عن الاقتصاد لكن بيخص الأمن القومي المصرية وكان بخصوص توجيه الرئيس السييسي رسالة تهديد مباشرة لأثيوبيا بسبب تدخلها في الشؤون الداخلية لدولة الصومال الشقيقة والتعدي على سيادتها باتفاقيات باطلة.
السيسي وجه في حضور الريس الصومالي وعلى الهوا مباشرة تحذير شديد اللهجة وقال إن الصومال دولة عربية وليها حقوق طبقا لميثاق الجامعة العربية في الدفاع المشترك لأي تهديد لها، وبكل وضوح مصر مش تسمح لأي حد بتهديد الصومال أو يمس أمنها وقال نصا (محدش يجرب مصر ويحاول يهدد أشقاءها خاصة لو أشقاءها طلبوا منها التدخل) .
السيسي اتكلم كمان خلال مؤتمر صحفي عقده اليوم بقصر الاتحادية عن مذكرة التفاهم غير القانونية بين إثيوبيا وإقليم أرض الصومال الموجود شمال غرب الصومال وقال إن مصر ليها موقف واضح تم تسجيله وصدر بيان عن وزارة الخارجية المصرية برفض هذا الاتفاق.
منصات بانكير عرضت كمان تقرير مهم جدا عن أزمات خطيرة بيواجهها قطاع العقارات المصري في الفترة الأخيرة بسبب ارتفاع اسعار العقارات والايجار في الفترة الأخيرة واكتشف التقرير حاجتين أخطر من بعض أولها إن شركات الحديد اخترعت دولار مخصوص بشوق الحديد وسعره فوق ال70 جنيه ودي كانت الضربة الاكبر لشركات التطوير العقاري وشركات المقاولات واللي اتعاقدت على أسعار قديمة والزيادات الأخيرة هتهدد مشروعاتها بالتوقف أو الخسارة.
تاني سبب لارتفاع أسعار العقارات في مصر سواء ايجار أو تمليك هو الطلب الكبير من الضيوف أو اللاجئين على العقارات سواء للسكن او لعمل مشروعات أو محلات تجارية ومطاعم وطبعا مصر طول عمرها مش بتفرق بين ضيف ومصري
كمان وحدة بانكير قدمت تقارير كتيرة عن اللي بيحصل في سوق الدهب وإزاي الداخلية قدرت تكشف عصابات التنقيب في الصحراء وقدرت توقع أكتر من 15 تاجر من أباطرة الدهب في مصر واللي بيتلاعبوا في الاسعار واتمسك معاهم كميات كبيرة من الدهب الخام والمتهرب ومش مدموغ.
وبننهي جولتنا في أحداث الأسبوع من تصريحات الرئيس السيسي في كليه الشرطة عن ازمة الدولار والأوضاع الاقتصادية
وقال التقرير إن الرئيس السيسي استلم ملف الدولار زي ما توقعت بانكير في تقارير سابقة والرئيس خد قرارات سريعة ولسه هياخد قرارات
الرئيس السيسي اتكلم عن ازمة الدولار في مصر وقال الدولة ملتزمة بضخ دولارات في السوق وإن الموارد الدولارية لازم تكون أكتر من المطلوب. وإن الأزمة عمرها قصير وهتنتهي وإنه عارف متاعب الناس بسبب ارتفاع الاسعار.
شكرا لمتابعينا قراءة خبر اقتصاد مصر | تهديدات السيسي وسقوط عصابات الدهب.. وخليفة مدبولي المنتظر - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.