نشكركم اعزائنا المتابعين لموقع مباشر مصر ونتمنى قراءة مميزة لهذا الخبر هو ايه حكاية التعويم اللي قرب وهل صحيح البنك المركزي المصري خد القرار قبل ساعات من اجتماع لجنة السياسة النقدية لحسم مصير الفايدة وهل هيتم في نفس الوقت تحرير سعر الجنيه وايه اللي هيحصل في الأسواق.. خليكم معانا للآخر
توقعات كتير بتقول إن الحكومة والبنك المركزي قرروا يحرروا سعر الجنيه عشان حلحلة الأزمة الكبيرة في السوق السوداء وشح الدولار لكن لغاية دلوقتى مفيش اي تصريحات رسمية بخصوص التعويم أو مقدمات عليه حتى مفاوضات الحكومة مع صندوق النقد الدولي محدش عارف خلصت على إيه وعشان كده محدش يقدر يقول فيه تعويم أو مفيش خاصه إن الخطوة محتاجة موافقة سياسية وعرض على رئيس الجمهورية والقيادة السياسية موقفها واضح من التعويم بالرفض عشان تأثيره على الناس والسيسي مش هيوافق على تحرير سعر الجنيه إلا لو البنك المركزي قدمله ضمانات إن مفيش تأثير على الأسواق والناس وعرضت الحكومة خطة لإدارة الأزمات وأسواق الصرف في حالة التعويم.
لكن في المقابل مؤشرات كتير بتقول إن التعويم شر لابد منه عشان حل أزمات نقص العملة الأمريكية في السوق وعشان الاستثمار يرجع بقوة تاني للسوق المصري من خلال توحيد سعر الصرف كمان ملف الاستثمار بيرتبط بتعديل تصنيف وكالات التصنيف الائتماني الدولية عشان أموال كثيرة في الاستثمارات الدولية في حاجة لشهادة ثقة في السوق المصري من الوكالات الدولية.. يعني تقدر تقول الدولة في موقف لا تحسد عليه والحكومة بين سندان التعويم ومطرقة ارتفاع الأسعار وزيادة معاناة المواطنين.
طبعاً التعويم لو مش مدروس كويس هيبقي أزمة كبيرة بدليل إن الحكومة داخلة في معركة مع صندوق النقد الدولي على مسألة التعويم ولو كان القرار سهل كانت الحكومة ريحت دماغه وحررت سعر الجنيه من وقتها ووفرت شهور طويلة من المفاوضات مع الصندوق.. طيب ايه اللي هيحصل لو الحكومة عومت الجنيه من غير خطة واستعداد وتوافر نقد اجنبي مناسب.. بص حضرتك التعويم في الوضع الحالي وهو ارتفاع الطلب على الدولار والمضاربة عليه ووجود السوق السوداء معناه على طول خفض جديد في سعر الجنيه وهيفقد جزء كبير من القوة الشرائية وده معناه إن قيمة الأموال والمدخرات في البنوك قيمتها هتقل وهنديك مثال لو معاك 100 ألف جنيه في البنك أو في البيت وحصل تعويم وانخفضت قيمة الجنيه 30% مثلا يبقي انت خسرت 30 الف الف جنيه من ال100 ألف اللي معاك وهكذا نسبة وتناسب عشان كده الناس كانت بيشتري دهب بشكل كبير جدا عشان تحط فلوسها في وعاء استثماري مضمون ودا خلى الطلب على الدهب يزيد واسعاره تقفز لمستويات قياسية.
بالنسبة لاجتماع بكرة الخميس فحصل اختلاف في التوقعات وفيه رأي بيقول إن اللجنة هترفع الفايدة بين 200 و300 نقطة أساس عشان تسيطر على التضخم وفي رأي بيقول اللجنة هتثبت الفايدة وأغلب الآراء استبعدت حدوث تعويم بالتزامن مع اجتماع اللجنة وإن لو فيه تعويم هتكون فيه ترتيبات واجتماعات تانية.
شكرا لمتابعينا قراءة خبر اقتصاد مصر | ليلة حسم التعويم والقرارات الصعبة .. ايه اللي بيحصل في البنك المركزي - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.