نشكركم اعزائنا المتابعين لموقع مباشر مصر ونتمنى قراءة مميزة لهذا الخبر ليه واحد من أكبر بنوك العالم ومؤسساته المالية يجي يستثمر ويشتغل في مصر ويفتتح فرع إقليمي كمان.. وايه اللي قاله البنك الدولي عن السوق المصري وايه تأثير الخطوة الجبارة على السوق والاقتصاد المصري.. خليكم معنا وهنعرف التفاصيل
لو كتبت على جوجل بنك ستاندرد تشارترد هيطلعلك تعريف إنه احد أكبر البنوك الدولية في العالم ومؤسسة مالية رائدة وضخمة وليه بصمات قوية في الدول اللي شغال فيها ولما يجي بحجم ستاندرد تشارترد يفتح فرع إقليمي في مصر ويعلن ضح استثمارات ضخمة وتقديم خدمات بنكية جديده في السوق المصرفي المصري فده معناه كبير جدا وشهادة ثقة كبيرة في الاقتصاد المصري ومستقبل الاسواق المصريه وبنك بالحجم ده مش هيجي السوق المصري غير لو كان عمل دراسات مستفيضة عن الوضع الاقتصادي الحالي في مصر وطالما قرر يجي مصر يبقي الدراسات وصلته إن السوق المصرية واعدة ومستقبلها باهر لأن المؤسسات دي مش هتيجي مصر عشان تخسر.
الخبر بيقول إن البنك العالمي بدأ عملياته المصرفية رسميا في مصر بعد حصوله على الموافقة النهائية من البنك المركزي المصري. وعشان نعرف ليه البنك الدولي الرائد هيشتغل في مصر تعالو نشوف كلام سونيل كوشال، الرئيس التنفيذي الإقليمي لبنك ستاندرد تشارترد في أفريقيا والشرق الأوسط واللي قال إن إطلاق عمليات البنك في مصر يعكس الأهمية الاستراتيجية للدولة المصرية، ويبرز المرونة والإمكانات الاقتصادية المتنوعة، وكذلك الآفاق القوية للنمو وقال كمان إن انطلاق عمليات ستاندر تشارترد في السوق المصري يأتي باعتباره أحد أهم الأسواق في منطقة الشرق الأوسط وشمال إفريقيا ولأن مصر بتتمتع كونها عضو جديد في مجموعة بريكس، بأهمية اقتصادية كبيرة، وفرص نمو واعدة، وموقع استراتيجي؛ يخليها وجهة جذابة للمستثمرين العالميين اللي بتدور عن سوق ديناميكي بإمكانيات متنوعة Top of Form..
وبحسب بيان البنك إطلاق البنك لخدماته في مصر خطوة استراتيجية لتعزيز خطط التنمية الاقتصادية من خلال دعم العمليات التجارية ودفع الاستثمار وتدفقات رأس المال في مصر..
ولأهمية الحدث العالمي الإعلان عن دخول ستاندر تشارترد في السوق المصرية تم في القاهرة بحضور كبار ممثلي البنك زي بيل وينترز، الرئيس التنفيذي لمجموعة بنك ستاندرد تشارترد، وسونيل كوشال، الرئيس التنفيذي الإقليمي لبنك ستاندرد تشارترد في إفريقيا والشرق الأوسط.
البنك هيقدم خدماته المصرفية للجهات السيادية والحكومية والشركات الكبرى والمؤسسات المالية والشركات العالمية العاملة في البلاد من خلال مقره الرئيسي في القاهرة الجديدة ومن خلال الاستفادة من شبكة البنك العالمية وخدماته المتميزة، بيسهدف إلى الدخول في المشهد الاقتصادي الديناميكي في مصر ودعم تقدمها الاقتصادي ودا كلام البنك نفسه .. كل ده بتعرفنا إن الاقتصاد المصري رغم كل الظروف والأزمات اقتصاد واعد ومتنوع وقادر يغير الواقع الصعب ده للأفضل وإن كل الأزمات الحالية عابرة وهتعدي في أقرب وقت.
شكرا لمتابعينا قراءة خبر اقتصاد مصر | عملاق مالي عالمي ينطلق في مصر.. ايه السر - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.