نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
بعد قرار لجنة السياسة النقدية برفع اسعار الفايدة 2% فى اول اجتماع للجنة فى 2024 .. كل الناس بتسأل يا ترى التعويم هيحصل امتى ؟ وهل رفع الفايدة تمهيد لتخفيض قيمة الجنيه ؟ ولو حصل تخفيض الدولار هيوصل كام فى البنوك؟
من ساعات قليلة لجنة السياسة النقديـة للبنك المركــزي المصـري قررت رفع سعر عائد الإيداع والإقراض لليلة واحدة وسعر العملية الرئيسية للبنك المركزي بواقع 200 نقطة أساس ليصل إلى 21.25%، 22.25% و21.75%، على الترتيب. وتم رفع سعر الائتمان والخصم بواقع 200 نقطة أساس ليصل إلى 21.75%.
طب الكلام ده معناه ايه؟
الكلام ده معناه ان البنك المركزي بيحاول يواجه التضخم اللى وصل لمعدلات غير مسبوقة وبيحاول يحافظ على اموال المودعين من التآكل ورفع سعر الفايدة واحدة من الادوات اللى بيملكها البنك المركزي لكبح جماح التضخم لكنها مش كافية ولازم يكون فيه سياسات مالية موازية للسياسة النقدية فى مواجهة غول ارتفاع الاسعار
Big Offers For Labtops عروض مميزة على اللاب توبطب هل رفع الفايدة مقدمة لتعويم الجنيه ؟
زي ما قولنا لحضراتكم قبل كده فى فيديوهات سابقة فالتعويم جاى جاى وهي مسألة وقت للاسف مبقاش تخفيض قيمة الجنية رفاهية او قرار اختيارى للحكومة وده لأكتر من سبب أهمها ارتفاع الفجوة بين السعر الرسمي للدولار وسعره فى السوق السودا واللى وصل للضعف تقريبا وتانى حاجة شروط صنجوق النقد ومطالبته بتعويم الجنيه كشرط لمضاعفة البرنامج التمويلي المقدم لمصر
طب لو فيه تعويم ممكن يكون امتى ؟
مفيش معاد محدد لتحريك سعر صرف الجنيه قدام العملات الجنبية لكن بنسبة كبيرة القرار ممكن يتنفذ ويببدأ تطبيقه الاسبوع الجاى وبنسبة كبيرة ممكن ده يحصل اول الاسبوع او فى نصه بالكتير
وسعر الدولار هيوصل لكام فى البنوك لو حصل تعويم ؟
معظم التقارير بتتكلم عن سعر يتراوح بين 40 و45 جنيه فى حين ان محللين وخبراء اقتصاد كبار شايفين ان ده مش حل وان السعر اللى بيتباع بيه الدولار فى السوق السودا مش عادل ولا حقيقي
شكرا لمتابعينا قراءة خبر اقتصاد مصر | بعد رفع الفايدة 2% .. التعويم هيحصل امتى؟ - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.