اقتصاد مصر | كنوز ومليارات الدولارات.. حكاية الخريطة السحرية للاستثمار السياحي - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر  
 

زي ما شفنا ناس ومنصات فتنة بتقول إن الدولة هتبيع البلد حتة حتة وبعد ما باعوا منطقة رأس الحكمة دلوقتي بيتكلموا علي رأس جميلة وأماكن تانية كتير.. يا تري إيه حكاية المناطق دي واشمعنا المناطق علي الساحل الشمالي بالذات.. وكام إلايرادات اللي بتدخل الدولة من المشروعات دي
 

 
الحكومة المصرية عندها طموح أنها تطرح أكثر من مكان للاستثمار السياحي خصوصا أن مصر متميزة في المواقع اللي ممكن تكون مناطق سياحية متميزة تجذب وقوظ سياحية من كل دول العالم لزيارة مصر، ده غير الجو المثالي في فصل الصيف والدافئ في فصل الشتاء اللي ربنا حبي بيه مصر وميزها عن كل دول العالم .
طيب اية اللي هتعملة الحكومة بعد طرح راس الحكمة للإستثمار السياحي؟
الدولة المصرية في الفترة الرئاسية الحديدة بتستهدف طرح اكثر من منطقة للاستثمار السياحي وكانت البداية بمنطقة رأس الحكمة والحكومة ممثلة في وزارة قطاع الأعمال اعلنت عن استعدادها لطرح منطقة رأس جميلة اللي موجودة علي ساحل البحر الأحمر بالقرب من شرم الشيخ، ومجلس الوزراء أعلن كمان استعداد الحكومة لطرح مناطق للاستثمار السياحي في مطروح والعلمين.
طبعا في أسئلة كثيرة هتيجي في دماغك دلوقتي وتقول لأية مصر يتبع احلي مناطق وشواطئ عندها للأجانب، وعلشان محدش يضحك عليك ويملي دماغك بكلام معلوش أساس، مفيش دولة في العالم بتبع أراضيها، ولكن اللي معروق للدنيا كلها هو حق الانتفاع وده اللي عملته مصر، بتطرح المناطق الغير مستغلة بالشكل المطلوب للاستثمار السياحي لإقامة مشروعات سياحية هتدخل مليارات الدولارات للدولة المصرية في الوقت الحالي بشكل مباشر، وكمان هتدخل مليارات ثاني مع بدايه تشغيلها ده غير فرص العمل اللي هتوفرها المشروعات اللي هتتبي علي الارضي دي للشباب المصريين.

طيب بعد ما الامارات اخذت مشروع رأس الحكمة أية حكاية رأس جميلة دي كمان؟.
رأس جميلة واحدة من المناطق المتميزة علي ساحل البحر الأحمر ومفهاش اي مشروعات غير أهالي المنطقة اللي عايشين فيها، وعلشان برضوا نكون عارفين أن الدولة مش هتاخذ حاجة من حد بالعافية ده في تعويض واتفاق بيحصل بين الحكومة والناس دي وبيان تعويضهم بأماكن وبيوت ثانية بديلة أو مش عايز بيوت بياخذ فلوس، لان مش هينفع فرد أو إثنين يعطلوا مشروع قومي هيدخل مليارات الدولارات للبلد.
طيب مين اللي هياخذ منطقة رأس جميلة؟.
لحد اللحظة اللي معانا معاكم فيها دلوقتي، السعودية هيا الاقرب للدخول في مشروع الاستثمار في منطقة رأس جميلة، خصوصا في ظل اتجاه الحكومة لتحويل ودايع الدول الاجنبية زي الامارات والسعودية وقطر والموجودة في البنك المركزي لاستثمارات مباشرة بتهدف لدخول عملات اجنبية للدولة وهتساهم في توفير فرص عمل مباشرة وغير مباشرة للمواطنين المصريين، يعني ضربنا عصفورين بحجز، شطبنا الديون اللي كانت علينا للدول دي، وحولنا الديون دي لاستثمارات مباشرة بالدولار في الاقتصاد الوطني وهنوفر من وراها كمان الآلآف فرص العمل للشباب .

طيب ليه الحكومة اخذت القرارات دي دلوقتي بطرح مناطق سياحية بالجمال ده علي البحرين الأحمر والمتوسط؟.
بص يا سيدي، الحكومة عارفة ان السياحة هيا الأمل الاساسي حاليا علشان الاقتصاد الوطني يرجع يقف علي رجله من ثاني، وعلشان كده مركزه كل شغلها علي قطاع السياحة وفي توجيهات عليا بقيام كل الوزارارت والهيئات بدورها الرئيسي لخدمة قطاع السياحة خصوصا ان في الوقت الحالي بقي هو العنصر الرئيسي في دخول عملات اجنبية بالدولار للخزينة المصرية، وده بعد تراجع عائدات قناة السويس بسبب هجمات الحوثيين علي السفن في البحر الأحمر، وتراجع تحويلات المصريين العاملين بالخارج لـ40% بسبب النشاط الغير عالي لحركة السوق السودا في الشهور اللي فاتت ورفع سعر بيع الدولار لـ70 جنيه بزيادة ما يعادل 40 جنيه عن سعره الرسمي بالبنوك.
حاليا الدولة بتستهدف من منطقة رأس الحكمة تحقيق 8 مليون سائح بالاضافة الي 30 مليون سائح بتستهدفهم الحكومة حتي عام 2028، وتحقيق 30 مليار دولار كإيرادات من القطاع يعني بعد طرح منطقة راس الحكمة للاستثمار السياحي الحكومة حاليا بتستهدف تحقيق 38 مليون سائح بدلا من 30، وبعد طرح مناطق جديدة زي رأس جميلة ومناطق في مطروح والعلمين الجديدة اكيد الخريطة السياحية في مصر هتتتغير تماما.

كل التحركات اللي بتعملها الدولة حاليا واللي لسه هتعملها مستقبلا، هدفها الاساسي اتاحة الدولار في البنوك الرسمية وتوفيره، بالتالي مش هيكون عندنا سوق سودا في التجارة بالعملات، خصوصا ان الدولة هتوفره بسعره الرسمي للمواطنين في البنوك الوطنية، يعني مفيش سببب هيدفع المواطنين علشان يشتري الدولار من السوق السودا خالص.