نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
فاكرين اول مشروع فكر فيه السيسي حتى قبل ما يترشح للرئاسة أول مرة.. وليه كان مصر عليه وطلب يتنفذ في سنة واحدة مش 5 سنين.. تعالوا نفكركم ونشوف ايه الجديد في الموضوع.. خليكم معانا للآخر
أول مشروع قومي السيسي فكر وقرر ينفذه ويجمع حوليه المصريين هو ازدواج قناة السويس القديمة بقناة جديدة بتوسيعها وإضافة تفريعات ليه وده كان هدية مصر للعالم من ناحية ومن ناحية تانية كرست أهمية قناة السويس كأهم ممر ملاحي دولي والنتيجة اي إيرادات القناة اضاعفت بعد ما جذبت نوعيات جديدة من السفن العملاقة اللي مكانتش تمر في القناة بسبب غاطسها وحجمها الكبير وحققت إيرادات 10 مليار دولار من 4 مليار دولار قبل المشروع الجديد ومتوقع توصل 26 مليار دولار في 2030 وفضلت قناة السويس تتطور وتجيب إيرادات قياسية للوصول للمعدل المستهدف لولا اللي حصل في اليمن واستهداف السفن وفقد تقريباً نص إيرادات القناة.
ورغم أن الأحداث في باب المندب عرضية وهتخلص قريب والملاحة هترجع تاني زي الاول واكتر لكن اللي حصل كشفلنا حاجة مهمة جدا وهي إن قناة السويس هزمت كل إشاعات الإخوان أن القناة خلاص مبقتش ليها لازمة وكشفت أنها مشروع الحلم والقوة والسيطرة المصرية وكشفت أهمية دورها العالمي في التجارة الدولية وإن العالم مايقدرش يستغني عنها والاهم إن التجربة أو الأزمة كشفت إن مفيش اي بديل للقناة مهما اتقال عن مشروعات بديلة.. طيب ايه اللي حصل.. تعالوا نشوف إيه الحكاية.
وكالة فيتش عملت تقرير مهم عن أزمة الملاحة في قناة السويس وكشفت إن تكلفة التأمين زادت عن تكلفة تغيير مسار السفن ودي كارثة للتجارة الدولية لأنها بتحمل الشركات وأصحاب البضايع خسائر ضخمة وهتضطر تحمل التكلفة الزيادة للتأمين على السفن من تغير المسار من قناة السويس إلى رأس الرجاء الصالح على المستهلك النهائي أو المشتري النهائى وده هيسبب ارتفاع أسعار السلع عالميا وفي مقدمتها البترول والغاز والغذاء .
وقالت الوكالة الدولية إنه نتيجة الأزمة وعدم مرور السفن في قناة السويس، ارتفعت أسعار شحن الحاويات، وصعد مؤشر الحاويات العالمي، اللي بيقيس التغير في أسعار الشحن عبر المسارات الرئيسية، بنسبة 151% منذ أوائل أكتوبر 2023 إلى الآن. وزادت الأسعار على الطرق بين آسيا وأوروبا بنسبة 284%، وأكتر من الضعف على الممرات الرئيسية الأخرى بين الشرق والغرب كمان تغيير مسار المرور حول أفريقيا تسبب في زيادة وقت العبور لحركة الحاويات على الطريق بين آسيا وأوروبا بنحو 50%.. يعني قناة السويس للعالم هي الشريان الرئيسي وكل العالم بيعاني وطبعا السيسي مسكتش وقرر يستغل الأزمة وقلة عدد السفن المارة في القناة ويطورها ويكمل ازدواجها لأن الإقبال عليها هيكون شديد بعد انتهاء أزمة مضيق باب المندب وهتحقق اكتر من المستهدف كمان في 2030.
شكرا لمتابعينا قراءة خبر اقتصاد مصر | مشروع السيسي العبقري.. العالم يعترف بقوة مصر اللوجستية - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.