نشكركم اعزائنا المتابعين لموقع مباشر مصر ونتمنى قراءة مميزة لهذا الخبر إيه حكاية الرقم الضخم اللي اتكلمت عليه مؤسسات مالية والمفروض يدخل مصر استثمارات مباشرة والرقم هيوصل كام وإيه مصير الدولار في السوق السودا بعد دخل طوفان المليارات .. تعالو نشوف ايه اللي هيحصل
توقيع صفقة رأس الحكمة واللي كانت قدم الخير على مصر وكانت السبب إنها تحل كل العقد وتفكك الأزمات وتوقف حالة الفوضى في سوق الصرف والمضاربات وتكسر موجة الغلاء اللي زاد عن الوصف.. وبعدها بدأت الأخبار الحلوة والقررات الايجابية ولولا راس الحكمة مكنش المركزي عوم الجنيه وقضى على السوق السودا ولا كان الدولار نزل في البنوك لحوالي 5 جنيه في 6 ايام عمل بنوك ولسه هينزل أكتر مع الأخبار الحلوة اللي جاية من بره.
طيب ايه هي التوقعات والأخبار الايجابية عن مصر وطلعت من مؤسسات دولية متخصصة.. شوف يافندم بعد صفقة رأس الحكمة اغلب المؤسسات المالية الدولية اتكلمن بشكل ايجابي واعتبرتها صفقة الانقاذ وبوابة دخول عصر التدفقات الكبيرة وعودة الاستثمارات المباشرة وغير تعديل التصنيف لمصر دوليا وعودة الاستثمار في السندات المصرية بالخارج وتوقيع اتفاق صندوق النقد بحوالي 20 مليار دولار من الصندوق وهيئات مانحة تانية بتوصية من الصندوق .
Big Offers For Labtops عروض مميزة على اللاب توبالجديد والل اتوقعه بنك جولدمان ساكس العالمي في تقرير كبير صدر من ساعات إن مصر هتحقق فائض في التمويلات الخارجية لمصر بقيمة 26.5 مليار دولار على مدى السنوات الأربع المقبلة، مقابل توقعات سابقة بعجز قدره 13 مليار دولار، وخلي بالك من الآرقام والتوقعات والمبالغ دي هتيجي زي ماقلنا من صندوق النقد الدولي وشركاء آخرين بخلاف قيمة الاستثمار المحقق من صفقة رأس الحكمة.
والكلام الأهم لسه مجاش وهو توقع جولدمان ساكس،قفزة في قيمة الاستثمارات الأجنبية المباشرة في مصر خلال العام الحالي إلى 33 مليار دولار مقارنة ب 9.3 مليار دولار في العام الماضي، كمان رجح ارتفاعها بشكل أسرع مما كنا نتوقعه مع استقرار الوضع الاقتصادي الكلي وانتعاش الاستثمار في المشاريع الجديدة، مع وصول الاستثمارات الأجنبية المباشرة 12.9 مليار دولار العام المقبل اللي هو 2025، واللي هتزيد في 2026 وهتوصل فيه الاستثمارات المباشرة إلى 15.7 مليار دولار واللي هتوصل في سنة 2027 الى و23.6 مليار دولار ولو جمعت دول هتلاقيهم 85 مليار دولار تقريبا في 3 سنين بس ولو قلت لحد الأرقام دي من اسبوعين بس كان هيفتكرك مجنون ولا مش مستوعب اللي حوليك.
مش كده وبس ..ده كمان البنك العالمي توقع وحسب البيانات الواردة في المذكرة ارتفاع احتياطي مصر من النقد الأجنبي بوتيرة قوية ليصل إلى 50 مليار دولار تقريبًا بنهاية العام الجاري 2024 قبل أن يقفز إلى 61 مليار دولار تقريبًا في عام 2027.
شكرا لمتابعينا قراءة خبر اقتصاد مصر | طوفان استثمارات مباشرة.. حكاية الــ85 مليار دولار خلال 3 سنين - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.