اقتصاد مصر | انخفاض جديد ايه اللي بيحصل للدولار في البنوك النهاردة - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر ايه اللي بيحصل في البنوك النهاردة وليه الدولار بينزل وسعره بقي بكام دلوقتي.. مفاجأة في الطريق.. تعالو نشوف اللي بيحصل

من ساعة تعويم الجنيه من حوالي 10 ايام والدولار بينزل من أعلي سعر 50 جنيه لغاية بداية التعاملات النهاردة وسجل 47.12 جنيه ونزل في ساعتين 15 قرش من 47.27 جنيه في أول التداولات النهاردة الإثنين وبكده الدولار داخل على 46 جنيه ولسه هينزل كمان وكمان..
طيب ايه سر نزول الدولار في السوق الحر والعرض والطلب وازاي الاخضر بيفقد عرشه بعد ما حصل 73 جنيه قبل وفاة السوق السودا.. السر زي ما قلنا في السياسة النقدية الجديدة وهي العرض والطلب ومن غير حماية والبقاء للاقوى وعشان نعرف كل قرش بينزله الدولار هو قرش بيزيد في قوة الجنيه والعكس صحيح والدولار هيفضل ينزل طول ما فيه تدفقات دولارية يعني معروض كتير من الدولارات ولو الطلب قل عليه يبقي الدولار هينزل كمان اكتر .
والدولار نزل في أول التعاملات النهاردة ومفترض ينزل بقوة في باقي ساعات التداول بسبب اللي حصل امبارح والإعلان عن حزمة تمويل ضخمة ب8 مليار دولار من أوروبا وكمان فتح هويس الاستثمارات الأوربية عن آخره للسوق المصري وإعلان شراكة إستراتيجية بين مصر ودول الاتحاد الأوروبي وده معناه إن مصر قدامها نقطة تحول اقتصادي كبيرة جدا في الشهور الجاية ومتوقع تحقق انطلاقة كبيرة.
مصر بتوفر الدولار من كل حتة دلوقتي عشان تخلص من ذروة الطلب عليه في الاستيراد وتلبية طلبات المستوردين وأصحاب الشركات ولوازم الإنتاج وسداد الديون في 2024 وهي أكتر سنة  هنسدد فيها ديون حوالي 42 مليار دولار وبعدها الموازنة هتفوق وهيحصل وفرة كبيرة جداً في الدولار وسعره هينزل بشكل كبير جدا ومصر كمان بتطور اقتصادها في كل الاتجاهات ودخلت خلاص عصر الاستثمارات العالمية الضخمة والصفقات اللي بتهز العالم وكل ده بيقول إن السوق المصري بقي سوق عالمي واي صفقة فيه بيكون ليها تأثير كبير جدا عالميا وبتجذب استثمارات إضافية لأن الاستثمار بيحب بعضه.