نشكركم اعزائنا المتابعين لموقع مباشر مصر ونتمنى قراءة مميزة لهذا الخبر ساعات ومصر هيحصل فيها تغييرات كتير.. إيه اللي هيحصل ومصير حكومة مدبولي.. وإيه اللي هيحصل في ملف الاقتصاد والمال والبنوك.. كل ده هنعرفه معاكم بالتفصيل..
معروف إن الأسبوع ده هيكون فيه أهم أحداث في مصر على كل المستويات والأهم طبعا الملفات الاقتصادية والمالية ولما نقول اقتصاد الناس هتنتظر تغيرات جوهرية في كل اللي بيخص حياتها المعيشية والأسعار والأسواق وتحسين الأوضاع وغيرها.. اللي هيحصل إن حكومة الدكتور مدبولي هتقدم استقالتها للرئيس مع بداية الولاية الجديدة كعرف معمول بيه في مصر ومع كل ولاية جديدة..
طيب يعني إيه الحكومة تقدم استقالتها.. يعني الرئيس السيسي في الولاية الجديدة واللي هتبدأ خلال ساعات هيختار رئيس حكومة جديدة أو يكلف بتعديلات في حقائب معينة في الحكومة الحالية وأكيد هيتم الدفع بدم جديد خاصة في الوزارات الاقتصادية والمالية وشخصيات لها وزنها في المجال الاقتصادي بشكل عام لأن التحديات اللي بتواجه مصر اقتصادية في المقام الأول بعد سنة صعبة جدا مرت على البلد بسبب ظروف كلنا عارفينها بداية بالحرب الروسية الاوكرانية والأحداث اللي حولينا في المنطقة وأزمة نقص الدولار الخطيرة والغلاء والسوق السودا ومشاكل كتير وحكومة الدكتور مدبولي حققت نجاحات كبيرة جدا وهتسلم الراية بانجازات ضخمة في كل المجالات.
رغم إن مفيش أي تأكيد رسمي عن الاسماء المرشحة اللي جاية في الوزرات المهمة بالنسبة للمصريين لكن الأكيد إنها هتكون شخصيات كبيرة وتقيلة ومفاجأة ومن العيار التقيل كمان بداية من اسم رئيس الوزراء الجديد لغاية اسماء الوزراء في الحقايب الاقتصادية والمالية.
لكن الأكيد واللي لازم كلنا نبقي عارفينه إن الفترة الجاية مع الحكومة الجديدة أو المعدلة هتكون مختلفة تماما وهيكون فيه توجيهات رئاسية واضحة بالضرب من حديد على المحتكرين وتجار الأزمات ومافيا الأسعار وإنه كمان هيكون فيه تعامل جديد وحاسم في كل الاسواق للسيطرة على الأسعار ووقف التلاعب وهيكون فيه ضرب بيد من حديد ودا طبيعي لأي حكومة جديدة طبيعي أكتر يحصل لما يكون فيه أزمات اقتصادية ومافيا وعصابات من تجار السلع وقبلها تجار العملة وتجار الدهب وغيرها من الأسواق واللي بسببهم الأزمات زادت عن الحد.
مش عاوزين نخوض كتير في الاسماء المرشحة لأنها مش دقيقة لكن اختيارات الرئييس دايما بتكون قوية وعلى قدر الحدث وبتكون بناء على تقارير دقيقة جدا جدا وفيها معلومات عن كل اسم وشخصية مرشحة وعن انجازاتها وقدرتها على اتخاذ القرار والتفكير خارج الصندوق لكن بنوعدكم هتشوفوا أسماء مفاجأة وتقيلة وهتعمل فرق كبير في الفترة الجاية.
شكرا لمتابعينا قراءة خبر اقتصاد مصر | مهمة الحكومة الجديدة.. أسماء مفاجأة ومرحلة مفيش هزار - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.