اقتصاد مصر | مفاجأة رئيس الحكومة الجديد..و الصاغة تنتظر عاصفة الدهب.. ومفاجآت سعودية لمصر - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر متابعينا الكرام أهلا وسهلا بكم على منصاتنا الإلكترونية وتحليل جديد لأهم التقارير اللي قدمتها وحدة ابحاث بانكير على مدار اليوم الإثنين 1 أبريل 2024
 
البداية دايما مع الحدث الأهم في اليوم حول اسم رئيس الحكومة الجديد ومعلومات حصرية لبانكير عن التشكيل الوزاري

وقال التقرير إنه خلال ساعات قليلة هيؤدي الرئيس السيسي اليمين الدستورية رئيسا لمصر لولاية جديدة هيستكمل فيها رحلة بناء الجمهورية الجديدة.. ومع بدء العد التنازلي لاستلام السيسي مهام عمله في فترته الرئاسية الجديدة نشطت بورصة التغيير الوزاري واختيار حكومة جديدة تتناسب مع تطلعات الرئيس للفترة الجاية واتقال كلام كتير عن الحكومة الجديدة .

وأضاف التقرير أنه رغم أغلب الناس بتتوقع رحيل الدكتور مصطفى مدبولي واختيار اسم بديل الا ان المعلومات اللي عندنا بتقول ان فرص بقاء مدبولي قوية جدا خصوصا انه بيحظى برضا ودعم كبير من الرئيس السيسي بعد الجهد الكبير اللي بيقوم بيه من اول ما تم اختياره رئيسا للحكومة.. وبيعول الرئيس على مدبولي فس استكمال الإنجازات اللي تحققت في الفترة الأخيرة والبناء عليها للمرحلة الجاية

وبخصوص مصير الوزراء اللي مع مدبولي قال التقرير إن الرئيس السيسي أعطى توجيهات قوية باختبار كفاءات وعقليات قارة تضيف في كل الملفات وحاليا الأجهزة بتدرس السير الذاتية وبتعمل مقابلات مع المرشحين وتم الاستقرار على أسماء قوية خصوصا في الحقايب الوزارية الاقتصادية والخدمية

وبشأن الوزراء المرشحين للرحيل قال التقرير إنه فيه مجموعة وزراء خلاص مهمتهم انتهت وفشلوا في مهامهم ومش هيكون ليهم مكان في الحكومة الجديدة وابرزهم وزير التموين علي المصيلحي ووزير الزراعة وزراء البيئة والتعليم العالي وفيه كلام قوي كمان عن رحيل وزير التربية والتعليم ووزير التجارة والصناعة والإسكان وحقايب تانية بيتم الاستقرار على وزرائها الجدد.

ومن المعلومات المؤكدة ان التشكيل الوزاري الجديد هيضم خبرات كبيرة واسماء ليها تقل سياسي واقتصادي لان المرحلة الجاية صعبة .

التقرير التالي اللي قدمته وحدة ابحاث بانكير عن اللي حصل في سوق الدهب العالمي النهاردة ومصير أسعار الدهب في مصر الايام الجاية.
وسلط التقرير عن اللي حصل النهاردة في أسواق الدهب العالمية واللي عاشت صدمة حقيقية بعد زلزال الزيادات القياسية في أسعار المعدن الأصفر واللي وصل لمستويات غير مسبوقة بالبورصة العالمية حسب جولد بيليون ووصلت تداولات النهاردة أعلى مستوى تاريخي جديد عند 2265 دولار للأونصة وزاد بنسبة 1% ليتداول في منتصف اليوم عند المستوى 2254 دولار للأونصة.
وكشف التقرر أسباب ارتفاع الدهب المفاجبيء وعلاقته العكسية مع الدولار وتوقعات خفض الفدرالي للفائدة اعلى الدولار.

وقال التقرير إن بانكير سبق ونشر تقرير مصور عن توقعات بوصول الدهب عالميا لحاجز 3 آلاف دولار وكانت نتيجة دراسات وتوقعات هيئات دولية مختصة وصلت للنتيجة دي.. ولو وصل للسعر دا أكيد اسعار الدهب هتزيد في مصر بشكل كبير وبحسبة فرق السعر العالمي وفرق سعر الدولار ممكن يوصل جرام عيار 21  لحوالي 7 الاف جنيه واللي حصل النهاردة بيقول إن أي توقعات ممكن تحصل 

وحدة أبحاث بانكير قدمت تقرير مختلف النهاردة عن قطاع حيوي وناشيء في مصر ومتوقع يحقق 14 مليار دولار صادرات لمصر.

وسلط التقرير عن التطور الكبير جدا في قطاعات تكنولوجيا المعلومات والبرمجيات والرقمنة وأخيرا الذكاء الاصطناعي وحجم الاستثمارات العالمية في القطاعات دي واللي وصلت لتريليونات الدولارات حول العالم في سنين معدودة وضربنا مثل بشركة "إنفيديا" الانجليزية واللي وصلت قيمتها السوقية ل 2.5 تريليون دولار عشان بتصنع نوع معين من الرقائق وربوتات الذكاء الاصطناعي..

وقال التقرير إن مصر مش بعيدة عن النوع ده من الصناعات وبنقصد بيها هنا صناعة تكنولوجيا المعلومات والتطبيقات والبرمجة وخدمات وصناعة التعهيد أو المقصود بيها هنا التصنيع للغير أو تقديم خدمات نيابة عن الغير وهي تجارة ضخمة جدا على مستوى العالم.
وحسب التقرير مصر بتستهدف زيادة صادراتها التكنولوجية إلى 14 مليار دولار بحلول 2030، وحسب خطة وزارة الاتصالات وتكنولوجيا المعلومات مصر هترفع صادراتها التكنولوجية إلى أكتر من 9 مليار دولار بحلول 2026  مقابل 6.2 مليار دولار خلال العام 2023، ورغم الأزمات الدولية والوضع الاقتصادي الصعب صادرات مصر التكنولوجية سجلت نمو 26.5%  في السنة اللي فاتت مع النمو الكبير في خدمات قطاع التعهيد... وعلى فكرة حجم السوق العالمي في صناعة التعهيد سجل أكتر من 320 مليار دولار سنويًا وبيزيد بطريقة خيالية.

التقرير الأخير معانا النهاردة مهم جدا وهو بيتناول الحديث عن مصير الاستثمارات السعودية الجديدة في مصر الفترة الجاية.
وقال التقرير إنه بعد الإعلان عن صفقة رأس الحكمة واللي كانت بداية الخروج من عنق الزجاجة وقلب الأزمة الاقتصادية الصعبة اللي عاشتها مصر الحقيقية بسبب الظروف اللي حولينا من كل حتة... بدأ الكلام عن صفقات جديدة وفرص استثمارية ضخمة وفعلا تم الإعلان رسميا عن صفقات خيالية مع الصين لانشاء مناطق صناعية كاملة على شاطيء المتوسط للاستفادة من اللوجستيات والمواني القريبة من ارووبا للتصدير وكمان أعلنت تركيا عن بداية إنشاء منطقة صناعية كبيرة في مصر.

وأشارت التقرير إنه من بين المشروعات الضخمة اللي طلع الكلام بقوة عنها هو مشروع رأس جميلة على سواحل جنوب سيناء واللي بتعتبر حتة من الجنة وهي مواجهة للسواحل السعودية، واتقال ساعتها عن استثمارات 20 مليار دولار كبداية وإن المشروع هيكون عالمي ترفيهي سياحي تجاري وليلة كبيرة .. لكن فجأة سكت الكلام عن المشروع.. 
وكشف التقرير إنه المفاوضات قربت تخلص عن المشروع وهيتم الاعلان عنه قريب وعن مشروعات تانية سعودية ضخمة في مصر ودا هيكون طبعا بعد حلف الرئيس السيسي للييمن الدستورية بكرة الصبح ..
واستشهد التقرير بمشروع سعودي مصر باستثمارات 2 مليار دولار للربط الكهربائي بين مصر والسعودية واللي قرب يخلص ودا غير مشروعات تانية ضخمة سعودية في مصر شغالة فعلا.