اقتصاد مصر | بعد قرارات المركزي اعرف حقوقك عند البنك - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر  

كتير من عملاء البنوك مايعرفوش حقوقهم عن البنوك وفاكرين اللي بيقوله موظف البنك مقدس وماينفعش يتراجع وده مش حقيقي.. اعرف حقوقك على البنك واعرف كمان تاخد حقك من البنك إزاي تابع الفيديو للأخر.

يوم الأربعا اللي فات البنك المركزي المصري أصدر تعليمات منظمة للبنوك للالتزام بكافة المتطلبات الخاصة بآلية التعامل مع الشكاوي بالبنوك الواردة بالتعليمات وده لاستكماً لما ورد بتعمليات حماية حقوق العملاء الصادر بموجب الكتاب الدوري لعام 2019.
ومن بين الحقوق دي إلزام البنوك بالرد كتابيا أو إلكترونيا على الشكوي المقدمة من العملاء خلال 15 يوم كحد أقصى من تاريخ استلامها بشكل يسمح لمقدمها بالاحتفاظ بالرد يعني زمن ان البنك يطنش شكوتك انتهي أو ياخد وقت طويل فيها ، وكمان المركزي ألزم البنوك إنها تكتب الرد مع قبول الشكوي وعرض الحلول أو الإجراءات التصحيحية المناسبة، ولو مردش عليك البنك بقي بتكت شكوى للبنك المركزي وهو يتعامل مع البنك لأن المركزي هو المسئول عن كل البنوك للي في مصر.

طيب ايه هي حقوقك التانية في البنك وانت مش واخد بالك منها .. الأول نعرف يعني إيه حقوق العميل.. هي المقصود بيها حماية  إطار تنظيمي واضح يحدد العلاقة بين مقدمي الخدمات وعملائهم، وده لضمان حصول العملا على حقوقهم من حيث العدل والإنصاف والحفاظ على سرية البيانات، مع ضمان آلية للتعامل مع الشكاوى، بالإضافة إلى رفع الوعي المصرفي لدى العملاء بما يمكنهم من اتخاذ قرارات صحيحة... يعني إيه الكلام دا.. يعني ببساطة كده إنت ليك حقوق على البنك لازم يحافظ عليها أولها طبعا سرية الحسابات ودي تفصيلة مقدسة لأنه مفيش جهة تقدر تتطلع على حساباتك البنكية إلإ بالطرق القانونية وبطلب رسمي من الجهات المختصة زي النيابة العامة مثلا وفي حدود ضيقة جدا، وتاني حاجة الشفافية يعني ماينفعش البنك يخبي عليك حاجة تخص حسابك مثلا وإلإ يبقي بيخدعك وتالت حاجة البنك ملزم يقولك في أول ما تفتح حسابك إزاي تشتكي البنك او الموظف لو حصل مشكلة معاك خاصة بالتعامل أو في المعاملات البنكية ودي اللي حسمها البنك المركزي في قراراته الأخيرة لأن كتير من الشكاوي بتتركن بحجة الفحص والتحري ومش بيتم البت فيها لغاية العميل مايزهق.