اقتصاد مصر | ضربة العمر للدولار..بوتين قال ايه عن مصر في البريكس - مباشر مصر

نرجع لكلمة بوتين في المناسبة دي والقصير الروسي قال إن تكتل  البريكس هيبته زادت بدخول مصر رسميا للتحالف الضخم ودا مش كتير علي مصر ولا فيه مجاملة لانه جايز مصر عندها مشاكل اقتصادية لكن عندها بردوا كنوز اقتصادية وتجارية هضيف كتير جدا  لتحالف بريكس وكفاية نعرف إن مصر الوحيدة في دول بريكس اللي يتتحكم في جزء كبير من خطوط التجارة العالمية والموانئ واللوجستيات وهي بوابه افريقيا وآسيا كمان وعندها قطاعات واعدة جدا يعني مصر داخلة البريكس برجلها اليمين ومعاها مفاتيح القوة في التجارة الدولية والممرات المائية ومقومات تاريخية وسياحية هي الأهم بين دول البريكس ودا أداها طعم خاص في البريكس

الأهم بقي أن بوتين جاب الدولار الأمريكي الأرض بما قال في خطابه  إنه خلال رئاسة روسيا للمجموعة هذا العام، هتشتغل على زيادة دور بريكس في النظام النقدي والمالي الدولي وتعزيز التسويات الأكثر نشاطا بالعملات الوطنية.. والجملة الأخيرة دي هي المطلوبة.. يعني ايه تعزيز التسويات بين دول بريكس بالعملات الوطنية.. يعني ببساطة كده بوتين رد على عقوبات بايدن وأعلن الحرب على الدولار الأخضر.. دا غير أن بوتين قال إن روسيا والصين تقريبا هيتخلوا نهائيا عن التعامل بالدولار.. يعني الدولار هيعاني الفترة الجاية قدام الجنيه..

كمان مصر هتعمل اللي هي عوزاه في بريكس كعضوة كاملة من أول يناير.. ودا يودينا لسؤال تاني خالص وهو ازاي مصر هتقدر تحافظ على مصالحها بين أمريكا وروسيا.. طبعا مصر مع كل الدول على مسافة واحدة لكن علاقة روسيا بمصر قديمة جدا وبينا رمز صداقة وبوتين صديق السيسي من قبل ما يبقي رئيس.. عشان نعرف الفرق بين البريكس واتفاقية الكويز زي ما قلنا البريكس تكتل ضخم جدا لكن الكويز اتقايو بتسمح بنفاذ الاقمشنة وهي بين أمريكا ومصر وبين الكيان.