اقتصاد مصر | بانت من أولها.. اصعب 48 ساعة في حياة المصريين - مباشر مصر

وقبل ما تخلص الـ 24 ساعة الأولي من عام 2024، الشركة المصرية للاتصالات أعلنت عن زيادة أسعار باقات الانترنت الأرضي للمشتركين، ووصلت باقات الانترنت سعة 140 جيجابايت من 120 جنيها إلى 160 جنيها، وباقة  200 جيجابايت من 170 جنيها إلى 220 جنيها، وباقة 250 جيجابايت من  210 جنيهات إلى 280 جنيها، وباقة 400 جيجابايت من 340 جنيها  إلى 440 جنيها، وباقة 600 جيجا من  500 جنيه إلى 650 جنيها، وباقة 1 تيرابايت من  800 جنيه إلى 1050 جنيها.
مفيش 24 ساعة كمان، ووزارة الكهرباء قالت كمان اشمعن انا، ورفعت خطة التسعير الجديد لشرائح الكهرباء لمجلس الوزراء علشان يقول الرأي النهائي فيها بتطبيقها او تأجيلها زي ما حصل علي مدار 18 شهر رفضت في مجلس الوزراء تطبيق أي زيادات جديدة في أسعار شرائح الكهرباء، وده تنفيذا لقرار الرئيس عبدالفتاح السيسي بتأجيل أي زيادات جديدة في أسعار الكهرباء مراعاة للظروف الاقتصادية.

الخطة الجديدة لتسعير شرائح الكهرباء اللي رفعتها الشركة القابضة لكهرباء مصر لمجلس الوزارة بتنص علي رفع الشريحة الأولي من تبدأ من صفر إلى 50 كيلو وات، من 48 قرشًا الي 58 قرشا، ورفع الشريحة الثانية من 51 إلى 100 كيلو وات، من 58 قرشًا الي 68 قرشا، والشريحة الثالثة، من صفر حتى 200 كيلو وات، من 77 قرشا الي 83 قرشا، والشريحة الرابعة، من 201 إلى 350 كيلو وات، من 106 قروشا الي 125 قرشا، والشريحة الخامسة من 351 إلى 650 كيلو وات، من 128 قرشا الي 140 قرشا، والشريحة السادسة من 651 إلى ألف كليو وات، من 140 قرشًا الي 150 قرشا والشريحة السابعة من صفر لأكثر من 1000 من 145 قرشا الي 165 قرشا .

الخطة الجديدة لتسعير شرائح الكهرباء اللي رفعتها الشركة القابضة لكهرباء مصر لمجلس الوزارة بتنص برضوا علي زيادات في أسعار القطاع التجاري، واستثنت الوزارة الشريحة الأولي فقط من التسعير الجديد واللي بتبدا من صفر حتي 100 كيلو وات وفضل سعرها 65 قرشا، ورفعت الشريحة الثانية واللي بتبدا من 101 حتي 250 كيلووات من 120 قرشًا الي 136 قرشًا، ورفع سعر الشريحة الثالثة واللي بتبدأ من صفر وحتي 250 كيلووات من 140 قرشًا الي 150 قرشًا، ورفع سعر الشريحة الرابعة واللي بتبدا من 601 الي  1000 كيلووات من 155 قرشًا الي 165 قرشًا، ورفع سعر الشريحة الخامسة اللي بتبدا من صفر الي أكثر من 1000 كيلووات من  160 قرشًا الي 180 قرشًا.
الدكتور مصطفى مدبولي رئيس مجلس الوزراء، اكد أن تكلفة إنتاج الوحدة الواحدة من محطات الكهرباء وهي كيلو وات ساعة تصل إلى 177 قرشًا، والمواطن بيحصل عليها بتكلفة 48 قرشًا علي أساس التسعير القديم للدولار بـ 18 جنيهًا، وأن الدولة مستمرة في خطة الدعم ورفضت زيادة شرائح الكهرباء لمدة سنة ونصف مراعاة لظروف اللمواطنين، وان تكلفة كل الشرائح أقل من التكلفة الفعلية لها.

مصادر بوزارة الكهرباء والطاقة أكدت لـ بانكير أنه من الضروري إعلان وتطبيق الزيادات الجديدة في أسعار شرائح الكهرباء بعد تأجيله لمدة 18 شهرًا علشان الوزارة تقدر تسدد الفلوس اللي عليها  لوزارة البترول والثروة المعدنية بتاع الوقود اللازم لتشغيل محطات توليد الكهرباء من الغاز الطبيعي والمازوت.
المصادر كملت كلامها وقالت أن الأسعار اللي كنا شغالين بيها كانت علي أسعار تسعير سعر صرف الدولار بـ18 جنيها، وبعد قرار البنك المركزي بتحرير سعر الجنية المصري مقابل الدولار الأمريكي عده مرات وعدم استقرار أسعار صرف العملات الأجنبية، ارتفعت فاتورة شراء المواد البترولية الخاصة اللازمة لتشغيل محطات توليد الكهرباء.