نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
ياترى ايه اللي هيحصل في البنوك يوم5 يناير وايه حكاية المبلغ الضخم المطلوب صؤفه فورا.. وايه المفاجأة اللي البنوك ممكن تعلنها في الدقيقة 90 .. كل الأسئلة كي هنجاوب عليها بس خليكم معانا لآخر الفيديو
في يناير اللي فات بنك مصر والأهلي المصري والقاهرة طرحوا شهادات ادخار بعائد 25و22% لمدة سنة تصرف في 5 يناير لغاية 1فبراير اللي جاي، ودا معناه ان المودعين أو أصحاب الشهادات هيستردوا ال500 مليار جنيه كأصل دين وفوائد مستحقة على شهاداتهم.
وجمعت بنوك الأهلي ومصر حصيلة مدخرات بقيمة 460 مليار جنيه مقابل الاكتتاب في شهادات الادخار بعائد 22.5% للفايدة الشهرية و25% للفائدة السنوية، واللي تم إصدارها خلال يناير الماضي.
ودلوقتي مفيش حل قدام البنوك غير إنها ترجع تمن الشهادات والفوائد بتاعها واللي بتزيد عن 500 مليار جنيه في المعاد 5 يناير معاد صرف المستحقات أو تعمل مفاجأة وتطرح شهادات جديدة بفوايد أعلى من 25% عشان تضمن أصحاب الشهادات المنتهية أنهم يخلوا فلوسهم في البنوك ويشترو الشهادات الجديدة وتوقع عدد من المصرفيين طرح البنوك لشهادات بعائد قياسي يتراوح بين 27و 30% كبديل عن الشهادات الحالية وعشان البنوك تجذب شرائح تانية من السوق وفي نفس الوقت تقلل معدلات التضخم لأن الناس بدل ما هتشتري وتزود الطلب على السلع هتروح تحط فلوسها في شهادات ادخار لو الفائدة بتاعها عالية .
والعكس صحيح لو البنوك رجعت المبلغ الضخم دا المودعين يبقي هتزود التضخم في الاسواق واللي هو اصلا مرتفع بسبب أن 500 مليار جنيه دول عبارة عن سيولة زيادة عن الموجودة في السوق وبكده الأسعار هترفع نتيجة زيادة الطلب وفيه خبراء توقعوا في أقل الظروف أن البنوك تطرح شهادات جديدة بنفس الفائدة الحالية لشهادات 25% عشان تضمن يستمر الوضع.
وكمان صرف البنوك للمبلغ الكبير ده معناه أنها ملحقتش تستفاد منه لأنها اكيد حطته في مشروعات استثمارية كبيرة ومدة سنة واحدة مش كفاية لتحقيق أرباح في دورة المشروعات اللي من النوع دا ودا هيضغط على البنوك بشكل كبير لأنها بكده هتصرف 500 مليار جنيه لاصحاب الشهادات في وقت ال500 مليار جنيه الأصلية دخلت في مشروعات ولسه مجابتش أرباح للبنوك حسب المنطق ما بيقول.
محمد بدرة، الخبير المصرفي، توقع طرح بنوك الأهلي ومصر والقاهرة شهادة بسعر فائدة مرتفعة 25% مرة تانية زي ما قلنا، وممكن توصل إلى 27% المرة دي ، مع استحقاق الشهادة القديمة خاصة بعد ارتفاع معدل التضخم وتسارعه من بداية العام. لكن فيه رأي مضاد بيقول إن طرح بنكي الأهلي ومصر أو أي بنوك تانية شهادة مرتفعة العائد بفائدة تفوق 25% سنويا مش مطروح حاليا، وده بسبب زيادة الضغوط الناتجة عنها على ربحية البنوك وإن طرح البنوك شهادات بأسعار مرتفعة على حساب ربحيتها أمرا غير مستحب وغير مجدي ف نفس الوقت.
شكرا لمتابعينا قراءة خبر اقتصاد مصر | مطلوب 500 مليار جنيه فورا أو انتظار مفاجأة.. ورطة البنوك في 5 يناير - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
