نشكركم اعزائنا المتابعين لموقع مباشر مصر ونتمنى قراءة مميزة لهذا الخبر السيسي حضر مفاجأة من العيار التقيل.. ايه اللي هيحصل بعد ما الرئاسة مسكت ملف الدولار وإزاي هيرجع البنوك والأسواق والجنيه هيتغلب عليه.. دا كلام رسمي وخطط رسمتها الرئاسة وقابلة للتحقيق ومش كلام وخلاص.. إزاي دا هيحصل تعالي نقولك
ناس كتير وخاصة من أهل الشر ومعاهم جهات خارجية معادية مستغربين إزاي مصر ماوقعتش اقتصاديا بعد كل الأزمات اللي واجهته ووقعت دول كتير بره.. لكن اللي ميعرفش مصر مايعرفش سرها وإنها عصية على أي أزمات وزي ما قال السيسي امبارح قادرين نعدي أي أزمة ودا مش كلام وخلاص لكن بالنظر لقدرات الدولة اللي كل يوم بتزيد وتتضخم بيخليها بتبلع كل الأزمات وتغلب عليها.
معروف إن الدولار هو أم المشاكل في مصر دلوقتي وبسببه كل حاجة رفعت وصعب على الناس معيشيتها ومصر داخلة في معركة حياة أو موت مع الورقة الخضراء عشىان كده الرئاسة عملت وثيقة اسمها وثيقة الاتجاهات الاقتصادية ورسمت فيها خطة هزيمة الدولار.
والوثيقة الرئاسية بتقول إنمصر هتحشد نقد أجنبى بقيمة 300 مليار دولار بحلول 2030، ايوا زي ما حضرتك سمعت كده الرقم واللي بيمثل 3 اضعاف الموارد الدولارية الحالية للدولة واللي وصلت تقريبا 100 مليار دولار..
طيب إزاي مصر هتجيب 300 مليار دولار كل سنة،.. شوف حضرتك حسب الوثيقة دا هيتحقق من خلال تبني برنامج قومي لرفع معدل نمو الصادرات المصرية من متوسط 16% خلال الفترة من 2017 إلى 2022 إلى ما لا يقل عن 20% سنوياً خلال الفترة من 2024 إلى 2030. وزي ما احنا عارفين الحكومة ناوية توصل بحجم الصادرات إلى 145 مليار دولار سنة 2030.
بخلاف زيادة المستهدف من عائدات السياحة بنسبة 20% سنوياً لتصل إلى 45 مليار دولار في 2030.، كمان الحكومة بتسعى لزيادة الاستثمارات الأجنبية المباشرة 10% سنويا لتصل إلى 19 مليار دولار فى 2030، تشمل صادرات العقار.
وحسب خطة السيسي مصر شغالة على رفع إيرادات قناة السويس بما فيها عائدات قطاع الخدمات البحرية إلى 26 مليار دولار فى 2030، بمعدل نمو سنوى 10% خلال الفترة الرئاسية الجديدة.
ومش بس كده دا كمان في خطة الحكومة توفير 3 مليون فرصة عمل للمصريين بالخارج لتعزيز نمو التحويلات 10% سنويا في خلال الست سنين اللي جاية ومتوقع توصل 53 مليار دولار، بالتزامن مع النمو بصادرات التعهيد 10% سنويا خلال الفترة نفسها لتصل إلى 13 مليار دولار بحلول 2030.
طبعا بخصوص تحويلات المصريين واللي قلت في الفترة الأخيرة ممكن حد يسأل ازاي هتوصل 53 مليار دولار.. دا سؤال مهم جدا وهي إن التحويلات انخفضت بسبب هروب الدولار للسوق السودا عشان فرق السعر لكن ساعتها مش هيكون فيه سوق سودا أصلا طالما الدولار هيتوفر بالشكل الكبير دا وبكده التحويلات هترجع لمعدلها وهتزيد حسب خطة الحكومة.
شكرا لمتابعينا قراءة خبر اقتصاد مصر | مفاجأة ..خطة السيسي لتوفير 300 مليار دولار في السنة - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
