اقتصاد مصر | رقم خرافي.. لو معاك العملات القديمة دي هتبقي مليونير في لمح البصر - مباشر مصر

والعملة دي كان عليها صورة سيدة  بترمز للحرية على الوجه الأول، ونسر أمريكي على الوجه التاني، وكانت العملات في الولايات المتحدة الأمريكية في الوقت دا من التلاتينات، بتخضع لقانون اسمه المعيار الذهبي، واللي معناه أن يكون في معيار ذهبي في خزينة الدولة لكل عملة يتم سكها.. يعني لازم يكون في خزينة الدولة احتياطي من الذهب قبل سك أي عملة جديدة.

لكن بسبب الكساد الكبير عام 1933،  الشعب الأمريكي لجأ ل تخزين الذهب، وبعدين أصدر الرئيس الأمريكي، فرانكلين روزفلت، أمر تنفيذي بحظر تخزين العملات الذهبية وسبائك الذهب داخل الولايات المتحدة، وطالب المواطنين ب تقديم اللي بحوزتهم من دهب ومن ضمنه عملة «النسر المزدوج».

بعد فترة .. جه  الكونجرس وأقر قانون احتياطي الدهب، واللي كان منوط بيه صهر جميع القطع النقدية من عملة النسر المزدوج باستثناء اتنين يتحطوا ك مقتنيات، لكن بالرغم من القانون دا  اختفت 20 قطعة من نوعية العملات المعدنية دي وتم بيعها  لهواة جمع العملات.

ومن سنة  1944، فضل جهاز المخابرات الأمريكية يتعقب العملات دي .. وبالفعل تمكن من استعادة 7 منها، وتبين أنها سرقت من طرف أمين صندوق مصلحة سك العملات الأمريكية، واللي قام ببيعها بعد كدا عن طريق تاجر الذهب، إسرائيل سويت، وقد تم صهر تلك العملات.

لكن احنا هنا بنقول إن المخابرات الأمريكية قدرت تلاقي ٧ بس من أصل ٢٠.. امال الباقي راحوا فين

بص بقى.. بعد الإطاحة بالملك فاروق عام 1952، تم طرح العديد من مقتنياته للبيع بالمزاد العلني، وفي  الوقت دا.. طالبت الولايات المتحدة، الحكومة المصرية، بسحب عملة النسر المزدوج من المزاد، اللي لقوها في مقتنياته، لكن برضوا  العملة اختفت  لسنين.

وسنةة1995، ظهرت عملة النسر المزدوج مرة تانية، لما كان تاجر مجوهرات مصري يبيع قطع أخرى لمدير أحد المزادات في العاصمة البريطانية لندن، واللي قام بشرائها وقتها مقابل 325 ألف دولار، لكن للأسف ماقدرش يبيعها بسبب أن الاستخبارات الأمريكية العملة صادراتها في سرية تامة.

وبعد صراع وخناق في المحاكم بين الراجل اللي اشترى العمل دي .. القضاء الأمريكي حسم الأمر وأعلن سماحه بأن تكون العملة مملوكة ملكية خاصة.

المهم أن العملة  دي لفت من أيد ل أيد لحد ما تم بيعها مقابل 7.6 مليون دولار.

ومن أيام، حقق «النسر المزدوج» أكتر قيمة بيع لعملة معدنية على الإطلاق في مزاد دار «سوثبيز»، بنيويورك، واللي تم بيعها بما يقارب 20 مليون دولار، وهو أكبر رقم تم دفعه في عملة معدنية حتى يومنا هذا.

دا في امريكا أما في مصر فلو معاك عملة المليم القديمة هتبيعها بمبلغ محترم وعملة المليم ارتفعت قيمتها مع زيادة إقبال راغبي إقتناء الاشياء القديمه على العملة دي.. العملة المعدنية المليم اللي لونها دهبي مطلوبة حاليا بسعر 11 ألف جنيه.. لكن بشرط يكون محفورا على واجهتها من الأعلى بشكل دائري اسم «المملكة المصرية»، وفي منتصفها رقم 1 مليم..كمان يشترط أيضا في المليم المطلوب للبيع على ظهره فؤاد الأول ملك مصر وأن يكون تاريخ الإصدار 1924.

في عدد كبير من الأماكن اللي بتشتري وتبيع  العملات القديمة منها محلات في شارع عماد الدين وشارع الألفي بوسط البلد، وأيضا منطقة خان الخليلي .

كمان يابختك يا هناك لو لقيت معاك الخمسين قرش القديمة 
هوس شرا العملات القديمة لسة مستمر.. ودلوقتي ارتفع الطلب على الخميسن قرش القديمة أو النص جنيه..بتراوح سعر الـ 50 قرش أو النص جنيه ما بين 2000 إلى 5000 جنيه، بحسب نوع العملة ورقية أم معدنية وبحسب حالتها أيضا.. السعر الشائع  للعملة هو 2000 جنيه..وفي بعض الأحيان قد يصل ثمن النادر من هذه العملة أو الإصدار الأول منها إلى 100 ألف جنيه.

الطلب يكون على عملة النص جنيه الورق القديمة، والتي يظهر عليها صورة ابو الهول في المنتصف وصدرت سنة 1911، حيث يصل سعرها إلى 100 الف.