نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
المصريين عاشوا فترات صعبة في الفترة اللي جماعة الاخوان المحظورة مسكت فيها حكم البلاد وكانت مليانة بمشاكل كثيرة.. وابرز المشاكل دي كانت قطع الكهرباء عن المواطنين ساعات طويلة وصلت لـ 10 ساعات في المحافظات، وتدهورت البنية التحتية للدولة في بناء وصيانة وتطوير محطات توليد الكهرباء، لحد ما جاء الرئيس عبدالفتاح السيسي وخلصنا من حكم جماعة المعزول، وبدأت الدولة حقبة جديدة من التطوير في كل المجالات واهمها قطاع الكهرباء اللي شهد طفرة غير عادية في الجمهورية الجديدة وبدأنا نطور ونبني محطات جديدة ونستغل مواردنا الطبيعة من مياة وهواء وطاقة المياة في توليد الكهرباء.. لكن عمرك فكرت اية اللي عملناه في السنين اللي فاتت في تطوير قطاع الكهرباء، والاستثمارات اللي حطتها الدولة علشان نوصل للوقت الحالي وصلت كام، طيب تعرف اننا حاليا بدأنا مشروعات الربط الكهربائي من دول العالم لتصدير الكهرباء.. لو عايز تعرف اية اللي عملناه في السنين اللي فاتت علشان الكهرباء تفضل منورة عندك في البيت شوف الفيديو ده للآخر.
الدولة في الالفية الأخيرة قطعت شوط كبير جدا في استغلال مصادر الطاقة الجديدة والمتجددة لاستغلال طاقة الرياح والطاقة الشمسية وطاقة المياة في توليد الطاقة الكهربائية وعملت جهوط كبيرة في تطوير محطات انتاج الكهرباء ووفرتها للمواطنين بشكل منتظم وانتهت ازمة انقطاعات الكهرباء بالساعات اللي كانت بتحصل في سنة 2012 و 2013.
طيب اية هيا ابرز دهود الدولة لتطوير وبناء محطات توليد الكهرباء.
الحكومة المصرية ممثلة في وزارة الكهرباء والطاقة المتجددة نجحت في تعويل عجز الكهرباء من 6 آلاف ميجاوات فى عام 2014 إلى فائض 15 ألف ميجاوات فى 2022 بعد إضافة 31 ألف ميجاوات من القدرات الكهربائية بما يعادل ضعف ما كان متوفرا فى 2014 وده اللي وفر الكهرباء لكافة المواطنين وانتهت ازمة انقطاع الكهرباء للابد.
اية هيا ابرز المشروعات الجديدة اللي قامت بيها الدولة في مجال بناء محطات توليد الكهرباء؟.
وزارة الكهرباء نفذت 48 مشروع لإنتاج الكهرباء من المصادر التقليدية بتكلفة بلغت 271 مليار دولار، أبرزها 3 محطات العاصمة الإدارية الجديدة وبنى سويف والبرلس بطاقة 14.4 ألف ميجاوات.
طيب واية هيا ابرز تجهيزات شبكات التوزيع؟.
الدولة حطت خطة شاملة لتطوير شبكات نقل وتوزيع الكهرباء وبتعمل علي تنفيذ 375 مشروعا لنقل الكهرباء باستثمارات تصل الي 70.7 مليار جنيه، ومشروعات توزيع الكهرباء بتكلفة استثمارية 41.8 مليار جنيه، واضافت 1187 لوحة توزيع جهد متوسط، و 51030 محول توزيع جهد متوسط و 146.6 ألف كم من الخطوط الهوائية والكابلات الأرضية على الجهدين والمتوسط والمنخفض، بالاضافة الي تركيب 13 مليون عداد مسبوق الدفع وتركيب ألف عداد ذكي.
واية الجديد من مشروعات استغلال الطاقات المتجددة؟.
الدولة حاليا شغالة علي تنفيذ17 مشروع لانتاج الكهرباء من الطاقة المتجددة بتكلفة 51.8 مليار جنيه لإضافة 5 آلاف و303 ميجاوات من طاقات الرياح والطاقة الشمسية والطاقة المائية، وابرزها محطات إنتاج الكهرباء من الرياح فى جبل الزيت بتكلفة 9.8 مليار جنيه، ومجمع إنتاج الكهرباء من الطاقة الشمسية "بنبان" بإجمالى استثمارات 35.2 مليار جنيه، ومحطة إنتاج كهرباء كهرومائية بقناطر أسيوط بتكلفة 1.7 مليار جنيه.
مش كده بس، الدولة كمان خذت قرارات لتشجيع مشاركة القطاع الخاص فى مشروعات الطاقة المتجددة أهمها التعديلات التشريعية لإزالة عقبات الاستثمار فىي الطاقة النظيفة، وإعلنت برنامج إصلاح التعريفة الكهربائية وعدلت قانون إنشاء هيئة الطاقة الجديدة والمتجددة ليسمح بإنشاء شركات بالشراكة مع القطاع الخاص لبناء وتشغيل مشروعات الطاقة المتجددة.
طيب انتي قولتي اننا هنصدر الكهرباء للخارج الكلام ده صحيح؟.
الدولة حاليا شغالة علي خطة لتحويل مصر لمركز اقليمي لتبادل الطاقة بين الدول من خلال تنفيذ مشروعات للربط مع السودان وليبيا والأردن والسعودية وقبرص واليونان وايطاليا، وحاليا بستهدف تصدير 1.5 جيجاوات يوميا، ورفع مساهمة القدرات المركبة علي الشبكة القومية للكهرباء من الطاقة المتجددة الي 42% باستثمارات 83 مليار دولار .
طبعا انت دولوقتي بتقول الكلام ده هيحصل ازاي والكهرباء بتقطع ساعتين عندنا هنا في مصر، هقولك يا سيدي، الفترة الحالية في تخفيف احمال علي الشبكة القومية للكهرباء نتيجة نقص امدادات الوقوع لمحطات توليد الكهرباء ده غير ارتفاع الاستهلاك لمعدلات لأول مرة تحصل في التاريخ وبالتالي الدولة اخذت قرار بقطع الكهرباء لمدة ساعتين يوميا لتوفير العملة الاجنبية اللازمة لاستيراد المازوت اللازم لتشغيل المحطات نتيجة الظروف المحيطة وارتفاع اسعار الطاقة عالميا .
شكرا لمتابعينا قراءة خبر اقتصاد مصر | من قطع بالساعات لتصدير 1.5جيحاوات يوميا.. أية اللي بيحصل في الكهرباء - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
