نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
كل الناس عارفة ان مصر من نهاية الربع الأول ل 2022 بتعاني من شح واضح فى الدولار بسبب تداعيات الحرب الروسية الاوكرانية وانعكاسها على اسعار النفط والحبوب وسلاسل الامداد وان ده اتسبب فى فجوة تمويلية كبيرة فى الموازنة العامة للدولة ومصر طول الفترة اللى فاتت كانت بتحاول تشوف حلول لسد الفجوة والوفاء بالتزماتها الخارجية وكمان توفير الاحتياجات الساسية للمصريين سواء من خلال برنامج تمويل من صندوق النقد او من خلال برنامج الطروحات الحكومية.. وواجهت الحكومة صعوبات كبيرة جدا فى اخر سنتين لتوفير عملة صعبة خصوصا مع تخارج حوالى 22 مليار دولار اموال ساخنة من السوق.. وظهر تاثير الأزمة بقوة خلال 2023 وبسبب ارتفاعات الدولار فى السوق السودا تضاعفت أسعار السلع.. بس الخبر الحلو ان 2024 ممكن تكون هاية لأزمة نقص العملة.. طب ازاى ممكن ده يحصل والحكومة هتجيب عملة صعبة منين ؟ ده اللى هنقولوا لحضراتكم فى الفيديو ده
خلاص الحكومة اتعلمت الدرس وعمرها تانى ما هتعتمد على الأموال الساخنة فى ترتيب حساباتها وده لأن الأموال دي بتتبخر مع أزل أزمة والدولة وفقا للاتفاقيات الدولية بتكون ملزمة توفر الفلوس لأي مستثمر عاوز يتخارج من السوق فى أى وقت، وفعلا حاليا التفكير كله فى جذب استثمارات أجنبية مباشرة.. والحكومة بتتفاوض حاليا مع أكتر من صندوق استثمار عربي لضخ استثمارات جديدة بمليارات الدولارات وفيه دول زي السعودية وقطر والكويت والامارات منفتحين جدا على دخول السوق المصري بقوة ووفقا لبعض التسريبات مصر اتفقت على استثمارات خليجية مباشرة تقدر بنحو 20 مليار دولار هيتم ضخهم في 2024 والمبلغ ده هيكون ليه دور كبير فى تحقيق انفراجة كبيرة جدا في أزمة نقص العملة وبمجرد وصول الاستثمارات دي هتقدر الحكومة تقضي على السوق السودا للدولار وهيكون معاها السيولة الدولارية اللى تخليها توفر الدولار لأى حد يطلبه
طب هل فيه دولارات تانية ممكن تدخل مصر الفترة الجاية ؟
اه فيه لأن مصر خلاص بتحط الرتوش النهائية على اتفاقها الجديد مع صندوق النقد واللى بمقتضاه هتحصل على 3 مليار دولار مبلغ اضافي على البرنامج اللى كانت اتفقت عليه مع الصندوق فى ديسمبر 2022 يعنى كده الاتفاق الجديد بعده مصر تقدر تاخد حوالى 5 مليون و650 الف باقي القرض القديم والقرض الجديد كامل
Big Offers For Labtops عروض مميزة على اللاب توب
وفيه اجراءات تانية هياخدها البنك المركزي الفترة الجاية لتعزيز قيمة الجنيه من خلال جذب اموال المدخرين للاستثمار فى ادوات الدين زي اذون الخزانة والسندات وكمان شهادات الاستثمار
ووفقا لمعلوماتنا فيه تفكير من البنك الأهلى وبنك مصر لطرح شهادات ادخار هتنزل في يونيو اللي جاي مع انتهاء آجال شهادات ادخار 11% والبنكين بيفكروا فى شهادات بديلة ممكن يوصل العايد عليها الى 22 % وهتكون مدة الشهادات الجديدة 3 سنين وده هيكون استثمار بيحقق عائد كبير جدا خصوصا ان مدة الشهادة مش هتكون سنة ولكن 3 سنين يعنى هتضمن ارباح لمدة 36 شهر.
وخد بالك من حاجة البنوك خلال الفترة اللى فاتت قدرت توفر اكتر من 80 مليار دولار للإفراج عن البضايع من يناير 2023 وحتي 12 يناير 2024 .. يعنى فى عز الأزمة اللى بتعانى منها كل دول العالم ومنها دول متقدمة جدا الحكومة قدرت توفر رقم ضخم زي ده .. وده يقولك مدى متانة وثبات الاقتصاد المصري
اخر رهان بتراهن عليه الحكومة لحل أزمة الدولار هو ملف الطروحات الحكومية المتوقع انه يدخل للدولة 40 مليار دولار خلال 4 سنين وفيه مستجدات مهمة بتحصل فى الملف ده دلوقتي وبدأ صندوق سيادي عربي الفحص النافي للجهالة للمصرف المتحد والتفاوض على بيع المصرف بمبلغ يتراوح ما بين 750 مليون دولار إلي 900 مليون دولار.. وهيتم الاعلان تباعا عن باقي الشركات اللى هيتم طرحها للبيع.
شكرا لمتابعينا قراءة خبر اقتصاد مصر | 30 مليار دولار في الطريق لمصر.. انفراجة كبرى في أزمة الدولار - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
