اقتصاد مصر | اللي يقولك مصر هتفلس.. خليه يشوف الفيديو ده - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر سمعت ناس كتير بتقولك مصر هتفلس والاقتصاد بينهار.. قريت تقارير عن ان مصر مش هتقدر تسدد ديونها ولا هتوفي بالتزماتها الخارجية .. قالولك ان البلد رايحة سكة اللى يروح ما يرجعش وانت صدقت .. لو انت واحد من الناس اللي حصل معاهم .. الفيديو ده يهمك وفيه هنقولك هل فعلا مصر هتفلس ؟ وايه حقيقة الوضع الاقتصادي بالظبط ؟ وليه عندنا كل الكم ده من الزمات في مصر؟ 
 

 
في البداية كده مصر فعلا عندها أزمة كبيرة جدا في نقص العملات الأجنبية وبسبب الأزمة دي الحكومة والدولة حرفيا بتعانى على مستويات مختلفة وفاتورة الدعم بتزيد وكمان أعباء خدمة الديون الخارجية وفاتورة الاستيراد وحاجات تانية كتيرة خلت الأسعار ترتفع بشكل محصلش قبل كده في تاريخ مصر وللأسف ممكن كمان في 2024 الأعباء تزيد شوية كمان على الناس لغاية ما تبدأ الدنيا تتظبط شوية على نهاية الربع الل من 2025 او على نصها بالكتير 
طب هل الكلام ده معناه ان الدنيا ضايعة واننا فعلا رايحين في سكة آخرها خراب؟ 
مصر بلد كبيرة جدا وعمرها الاف السنين وفكرة ان الدولة تقع أو انها تفلس زي ما ناس جاهلة بيقولوا مستبعدة تماما .. جايز نمر بأزمات وجايز التحديات تكون كبيرة لكن في النهاية مصر عدت بأزمات أصعب من كده بكتير.. مصر تعرضت لعدوان ثلاثي وحصار اقتصادي وقدرت تأمم قناة السويس في وقت كانت القوى العظمى في العالم واقفة ضدنا ففكرة ان البلد هتقف بسبب ازمة نقص العملة فكرة بعيدة تماما عن الواقع.. مصر عندها أصول بتريليونات الدولارات والأصول دي في منها اللى بيدر دخل بالدولار زي قناة السويس والمزارات السياحية اللى بيجيها ناس من كل الدنيا وكمان عندها بترول وغاز طبيعي بيدخلوا عملة صعبة وبلد عندها المقومات دي كلها ممكن تعاني اقتصاديا في مرحلة من المراحل لكنها قادرة في كل مرة انها تقوم وتكمل وده اللى حصل كتير جدا قبل كده في تاريخ مصر 
طب لما الدنيا وردي كده .. امال ليه الدنيا بايظة والأسعار منغصة حياة الناس؟ 
زي ما قولنا كل دولة معرضة انها تر بأزمة وخد بالك مصر مش البلد الوحيد اللى بيعانى من ارتفاع تكاليف المعيشة فيه دول كتير جدا حوالين العالم شعوبها بتشتكي مر الشكوى من ارتفاع أسعار السلع والخدمات بسبب اللى بيحصل في العالم كله من بدياة 2022 ولحد دلوقتى وتقدر فعلا تقول ان الازمة اللى بتعانى منها مصر حاليا أزمة مستوردة من الخارج 
طب انت جبت منين ان الوضع مطمئن وان الأمور لا تدعو للذعر اللى بتحاول ناس كتير تنشره؟ 
فيه رقم مهم جدا أعلن وزير المالية الدكتور محمد معيط وزير المالية النهاردة وناس كتير مخدتش بالها منه ولا ركزت معاه مع انه بيقول كلام كتير عن الوضع الاقتصادي لمصر .. وزير المالية أعلن إن قيمة الإفراج الجمركي عن العديد من البضائع بلغت 72.4 مليار دولار خلال عام 2023.
معيط أكد أن البضائع المفرج عنها في الفترة من يناير حتى 26 ديسمبر 2023، منها سلع استراتيجية بقيمة 19.1 مليار دولار ومستلزمات وخامات للإنتاج بقيمة 33.3 مليار دولار.
خدت بالك من الرقم الدولة وفرت أكتر من 72 مليار دولار لبند الواردات في عز أزمة نقص العملة وده يقولك ان الوضع مش مقلق خالص وان الحكومة بتدور وبتنجح في توفير سيولة دولارية لسد الاحتياجات الأساسية بالإضافة كمان الى توفير المبالغ المطلوبة لسداد الالتزامات الخارجية سواء لسداد الديون وغيرها من الالتزامات.