اقتصاد مصر | بيوصل الي مليون جنيها.. قروض الزاوج 2024 من 3 بنوك - مباشر مصر

الجواز عندها بقي عامل زي الحج من استطاع اليه سبيلا ببسب مغالاة الأهالي في الطلبات المادية .. ذهب بكام وشقة بكام ومطلوب منك تجهزها وتفشرها ده غير مصاريف الفرح والزفة.. وانت مفيش حيتلك الا المرتب وده هيكفي اية ولا اية، وفين المرتب اللي يعمل كل ده.. طيب اية الحل.

في بنوك حاليا بتقدم قروض الجواز تقدر من خلالها تجهز شقتك وتفرشها وتختار شريك حياتك وتبدأ حياتكم سوا، والبداية هتكون من بنك القاهرة اللي اعلن عن تسهيلات لحصول العملاء علي قرض الزواج اللي بيوصل الي 500 الف جنيها بفترة سداد تتراوح من 6 الي 120 شهر.

طيب اي شروط البنك لمنح قرض الزواج من بنك القاهرة؟.

بنك القاهرة حدد شروط حصول العملاء علي قرض الزواج وابرزها وجود بطاقة شخصية سارية، ويكون سن المتقدم للحصول علي القرض لا يقل عن 21 سنة والحد الأدني للدخل الشهري لا يقل عن 300 جنيها، ووجود ايصال مرافق حديث .

ومن بنك القاهرة بنروح معاكم للبنك الاهلي اللي اعلن عن تسهيلات لمنح قرض الزواج اللي يبدأ من 5 الاف جينها وبيوصل لنصف مليون جنيها بون اي ضامن، وممكن يوصل الي مليون جنيها في حال وافق العميل علي تحويل مكافاة نهاية الخدمة للبنك بفترة سداد بتوصل الي 10 سنوات.

اما عن الشروط اللي حددها البنك الأهلي لحصول العملاء علي قرض الزاوج.. فهي ان يكون دخل المتقدم للقرض لا يقل عن 500 جنيها ويكون عمره لا يقل عن 21 سنة ويكون معاه بطاقة سارية وخطاب معتمد من جهة العمل لاثبات الدخل الشهري وتعهد من جهة العمل بتحويل الراتب الشهري وايصال مرافق حديث.

ولسه مكملين معاكم وبنروح الي البنك التجاري الدولي CIB اللي اعلن عن قرض الزاوج وبيوصل الي 350 الف جنيها وبفترة سداد بتوصل الي 5 سنوات، وحدد شروط حصول العملاء علي القرض منها ان يكون عمره لا يزيد عن 60 عاما مع سداد اخر قسط للقرض ولا يقل راتبه عن 2600 جنيها شهريا.