اقتصاد مصر | ايه اللي حصل في الصاغة ولغز ارتفاع الدولار الأسود - مباشر مصر

وبتضم التحالفات المتقدمة للحصول على رخص جديدة في الطاقة المتجددة، تحالف أوروبي- خليجي، وآخر صيني، بالإضافة إلى تحالف هندي، وبتصل القيمة الاجمالية لكل مشروع الى حوالى 2 مليار وبتستهدف الاستثمارات الجديدة السوق المحلية بجانب تصدير الطاقة الخضراء.

ومن أبرز الشركات العاملة في مشروعات الطاقة المتجددة حالياً، "أكواباور"، و"أميا باور" ، وتحالف "إنجي وأوراسكوم وتويوتا"، وتحالف "سيمنز وجاميسا".

وحسب التقرير بتسعى الحكومة المصرية  فى الفترة الأخيرة الى مضاعفة إصدار الرخص الذهبية من 25 رخصة في 2023 إلى أكتر من 50 رخصة في 2024 ، وفقاً حسام هيبة، الرئيس التنفيذي للهيئة العامة للاستثمار والمناطق الحرة ، اللى أكد  أن متوسط إصدار الرخص الذهبية بيبلغ حالياً من 3 إلى 5 رخص شهريا.

وأشار تقرير وحدة الابحاث إلى أن وثيقة مجلس الوزراء الأخيرة بتستهدف زيادة موارد الدولة الدولارية إلى 300 مليار دولار خلال 6 سنين بما يعادل 3 أضعاف الرقم الحالي.

وبتتوقع الحكومة وصول إجمالي الاستثمارات الأجنبية المباشرة في مشروعات الهيدروجين الأخضر إلى نحو 81.6 مليار دولار بحلول عام 2035. وبتستهدف مصر التوسع في المشروعات اللى من النوع ده ووضعت استراتيجية وطنية خاصة تهدف إلى إدماجها في استراتيجية الطاقة 2035، في إطار خطط التحول إلى الحياد الكربوني، وخفض الانبعاثات من قطاع الطاقة.

التقرير التالي اللي عرضته منصات بانكير بخصوص الارتفاع المستمر في سعر دولار السوق السودا.

وقال التقرير إنه بسبب المخاوف والضبابية الموجودة بخصوص سعر الصرف ومستقبل الجنيه وكمان والصعوبات اللي بتواجهها في تدبير العملة والإفراج عن خامات الإنتاج المستوردة لجأت كتير من الشركات المصرية  إلى اتخاذ إجراءات تحوط عند تسعير منتجاتها للحفاظ على هوامش أرباحها من التآكل في حالة ارتفاع تكاليف الإنتاج بنسب أعلى من المخطط ليها

وحسب التقرير.. اللى بيعملوا التجار والشركات دول بيعرف فى اوساط الاقتصاد باسم تكلفة الاستبدال أو مواجهة صعوبة في العملية الإنتاجية في فترات لاحقة من السنة وبسبب اللى بيحصل تجاوزت أسعار السلع والمنتجات خلال الأشهر اللى فاتت مستويات قياسية محصلتش ابدا قبل كده وا تخطّت في كثير من الأحيان التكاليف الفعلية، مضاف ليها الهوامش الربحية اللى بيتم تحديدها عادة في الظروف الطبيعية.

ولو بصينا لقطاع مهم زي قطاع العقارات هنلاقي ان المطورين وشركاتهم بيحطوا أسعار أعلى من سعر السوق الموازية عند تسعير الوحدات اللى لسه ما تمش تنفيذها خوفاً من ارتفاع التكلفة

وطبعا الاجراءات التحوطية خوفا من ارتفاع سعر الدولار ساهمت  في ارتفاع التضخم في مصر لمستويات قياسية خلال 2023، وبتهدد مساعي الحكومة للهبوط بالتضخم إلى ما دون الـ 10% بحلول 2025 لو استمرت العوامل الرئيسية المؤثرة في التضخم وفي مقدمتها السوق الموازية للعملة الخضراء، اللي بتعتمد بعض الشركات على سعر تداول الدولار فيها لتسعير منتجاتها في ظل استمرار أزمة نقص العملة بالمصادر الرسمية

منصات بانكير عرضت تقرير مهم جدا بخصوص ملاجحقة أجهزة الرقابة في الدولة لتجار العملة والمضاربين في أسعار الدهب وتفاصيل عملية القبض على امبراطور الدهب..

وقال التقرير إنه في ليلة الاحد الشرطة قبضت على تاجر دهب وعملة شهير واللي التجار في الصاغة لقبوه بإمبراطور الدهب في مصر من كتر شهرته وسيطرته على منطقة الصاغة في الجمالية بالقاهرة، لاتهامه بارتكاب مخالفات تخص البيع في السوق.
وقالت المصادر إن المتهم المقبوض عليه بدأ حياته عامل في محل  بمنطقة الصاغة وفجأة وبقدرة قادر بقى واحد من أكبر تجار الدهب في مصر، ولما اتقبض عليه كان معاه  160 كيلو دهب من غير دمغة، بخلاف مشغولات ذهبية دون فواتير.

وحسب المعلومات اللي في الصاغة المتهم عنده سلسلة محلات دهب في جميع  المحافظات، وكان ليه تأثير كبير في سوق الدهب وتحديد الاسعار والسيطرة على المعروض من المعدن الأصفر المفاجأة بقي إن امبراطور الدهب وقع ومعاه مبالغ ضخمة من العملات الأجنبية وتحديدا الدولار وأنه كان بيتاجر في العملة والدهب وفاتح السوقين على بعض.
طبعا عملية القبض على امبراطور الدهب مش هتكون الاخيرة وحسب معلومات لبانكير هتكون فيه حملات مستمرة الفترة الجاية على تجار الدهب والعملة بعد توافر معلومات كافية عن نشاطهم.
 

التقرير الأخير اللي عرضته منصات بانكير كان حولاين خبر زعلنا كلنا وهو توقف أكبر مصنع سكر في مصر عن الانتاج..

وقال التقرير إنه بدون مقدمات أعلنت الشركة المسئولة عن تشغيل مصنع سكر أبوقرقاص وقف العمل فى المصنع لأول مرة من سنة تاسيسه قبل  155 سنة في الأول الناس مكنتش فاهم ليه الادارة خدت قرار مهم وخطير زي ده وايه الأسباب اللى وصلت الشركة لكده.. وشوية بشوية بدأنا نفهم ونسمع مبررات وأسباب.

وعرض التقرير تصريحات للواء عصام البديوي، الرئيس التنفيذي والعضو المنتدب لشركة السكر والصناعات التكاملية المصري، المالكة للمصنع واللي برر سبب توقف الانتاج بالتراجع الكبير اللى حصل فى زراعة القصب فى مصر اخر 5 سنين.

وحسب الأرقام المعلنة من رئيس الشركة، فمحافظة المنيا وحدها كانت بتنتج 950 ألف طن من القصب، وكان المصنع بيستقبل منها 750 ألف طن لغاية سنة 2020، ولكن في السنة اللى فاتت استقبل المصنع 90 ألف طن بس وده أدى خسائر بحوالي112 مليون جنيه.