نشكركم اعزائنا المتابعين لموقع مباشر مصر ونتمنى قراءة مميزة لهذا الخبر حرب الحكومة وتجار الأزمات دخلت مرحلة الجد وكله هيتحاسب .. ايه اللي حصل في الصاغة يوم السبت وايه قصة سقوط امبراطور الدهب والدولار وايه المفاجآت في الأيام الجاية .
كلنا عارفين إن في كل أزمة بيظهر المنتفعين اللي بيكسبوا ملايين ويهربو بعد ما يعملوا ثروات واكتر ناس عملت ثروات ضخمة بمئات الملايين هما تجار العملة والهب وتجار الجملة في الأسواق وبلا استثناء لأنهم في الأزمة الأخير كان كل واحد فيهم بيكسب ملايين الجنيهات كل طلعة شمس سواء بحبس السلع زي ما حصل في أزمات السكر وقبلها السجاير أو في أسواق الدهب والارتفاع الكبير في الأسعار نتيجة تعمد تجار الصاغة الكبار حبس جزء كبير من المعروض عشان السعر يولع لكن خلاص حرب المعلومات اشتغلت والتحريات شغالة على كل العصابة..
ليلة الاحد في الصاغة كانت الأمور عادية خالص لحد ما رجالة الأمن ظهرت بإعداد كبير وهجموا على محلات واحد من حيتان الدهب وشهرته إمبراطور الدهب في مصر من كتر شهرته وسيطرته على منطقة الصاغة في الجمالية بالقاهرة، لاتهامه بارتكاب مخالفات تخص البيع في السوق.
وقالت المصادر إن المتهم المقبوض عليه بدأ حياته عامل في محل بمنطقة الصاغة وفجأة وبقدرة قادر بقى واحد من أكبر تجار الدهب في مصر، ولما اتقبض عليه كان معاه 160 كيلو دهب من غير دمغة، بخلاف مشغولات ذهبية دون فواتير.
وحسب المعلومات اللي في الصاغة المتهم عنده سلسلة محلات دهب في جميع المحافظات، وكان ليه تأثير كبير في سوق الدهب وتحديد الاسعار والسيطرة على المعروض من المعدن الأصفر المفاجأة بقي إن امبراطور الدهب وقع ومعاه مبالغ ضخمة من العملات الأجنبية وتحديدا الدولار وأنه كان بيتاجر في العملة والدهب وفاتح السوقين على بعض.
المعلومات اللي حصلت عليها بانكير بتقول إن الايام الجاية هتكون فيه مداهمات لحيتان الدهب والدولار لأنهم هما نفسهم اللي بيولعو سوق العملة وبيلموا الدولار ويحولوه لدهب وييشتروه من الخارج وبيستغلوا المبادرة اللي عملتها الحكومة بدخول الدهب من غير جمارك يعني بيعملوا أزمة في سوق الدهب والدولار وطبعا مكاسب امبراطور الدهب واللي زيه مكاسب مهولة
الأجهزة الرقابية عرفت أن اللي بيحصل في سوق الدهب والدولار مش طبيعي، والدولة وجهت ضربات قوية لمتلاعبين في سوق الدهب، وزي ماقلنا في الساعات الجاية هتكون فيه أخبار حلوة بخصوص اسعار الدهب والدولار.... شعبة الدهب من ناحيتها اعترفت بالقبض على امبراطور الدهب في منطقة الصاغة وهو بيعتبر أكبر تاجر فيها
شكرا لمتابعينا قراءة خبر اقتصاد مصر | ليلة سقوط امبراطور الدهب.. وليلة مش هتنساها الصاغة - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
