نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
يا ترى ايه سر التقارب بين مصر وروسيا فى الفترة الأخيرة ؟ وايه اللى بيخطط ليه السيسي والرئيس الروسي فلاديمير بوتين الفترة الجاية؟ وليه بوتين قال ان مصر شريك مهم جدا لموسكو؟ وايه حكاية المفاعل النووى اللى روسيا بتعمله فى مصر؟ وايه علاقة كل ده بالمحاولات العالمية لانهاء هيمنة الدولار على حركة التجارة العالمية وحجم الاحتياطي النقدي فى البنوك المركزية؟
فى الساعات الأخيرة فيه تطور مهم جدا حصل فى العلاقات بين مصر وروسيا .. تطور تقدر تقول انه بيأسس لمرحلة جديدة فى العلاقات التاريخية بين القاهرة وموسكو وبيقول ان الفترة الجاية هتشهد مزيد من التعاون بين بلدين كبار.. والحدث هو بدء وضع الصبة الخرسانة للمفاعل الرابع لمحطة الضبعة النووية بمدينة مرسى مطروح واللى شارك فى مراسمه الرئيس عبدالفتاح السيسي وشارك فيه كمان الرئيس الروسي عبر الفيديو كونفرانس.
وفى كلمته خلال حفل الافتتاح أكد بوتين على أهمية التعاون بين مصر وروسيا وقال ان العلاقات بين البلدين في تطور مستمر.. وأكد بشكل قاطع إن مصر صديق قريب لروسيا وشريك استراتيجي وان العلاقات بينهم مبنية على الاحترام المتبادل.
وكشف بوتين تفاصيل عن حجم التعاون اللى هيحصل مع مصر الفترة الجاية واللى بيتضمن مشروعات مشتركة في الزراعة والصناعة وتطوير المنطقة الصناعية بالقرب من منطقة قناة السويس وأكد ان روسيا دعمت مصر بقوة للانضمام لتحالف بريكس وقال انها موسكو هتعمل كل اللى تقدر عليها عشان تكون مصر عضو فاعل ومؤثر فى التحالف
ووقعت مصر وروسيا في 19 نوفمبر 2015 اتفاق تعاون لإنشاء محطة للطاقة النووية بتكلفة استثمارية بلغت 25 مليار دولار.
وبتتكون محطة الضبعة النووية من 4 مفاعلات لتوليد الكهرباء بقدرة إجمالية تبلغ 4800 ميجاوات، بواقع 1200 ميجاوات لكل مفاعل، ومن المنتظر أن يبدأ تشغيل المفاعل الأول فى 2028.
Big Offers For Labtops عروض مميزة على اللاب توب
طب ايه علاقة التعاون فى المجال النووي مع روسيا بانهاء هيمنة الدولار ؟
بص يا سيدي الموضوع كبير ومش صغير والعلاقات بين روسيا ومصر مش علاقات سياسية بس لأ فيه بُعد اقتصادي مهم جدا فى الحكاية وده هيكون من خلال تحالف بريكس اللى مصر انضمت ليه رسميا فى بداية 2024 ومن خلال التحالف اللى بتقوده روسيا مع الصين هيتم عقد اتفاقيات مبادلة عملات محلية بين الدول الأعضاء يعنى مصر هتعمل اتفاقيات مع روسيا والصين والهند والبرازيل والسعودية والامارات وغيرهم من الدول الاعضاء وطبقا للاتفاقيات دي اى معاملات تجارية هتتم بالعملات المحلية وهيتم فيها الخلى تماما عن الدولار
طب وايه اللى هتستفيده مصر من كده ؟
هتستفاد كتير طبعا وعشان الصورة توضح لحضراتكم حجم التبادل التجارى بين مصر ودولة زي روسيا مثلا حوالى 7 مليار دولار من خلال تبادل العملات المحلية مصر هتوفر جزء كبير جدا من المبلغ ده كانت بتدفعوا فى صادراتها من روسيا زي القمح وحبوب تانية وهتدفع بالروبل بدل الدولار فبكده هتوفر عملة صعبة وهتشتري القمح بسعر ارخص لأن لما تدفع بالروبل غير خالص لما تدفع بالدولار
وهو ليه اصلا روسيا والرئيس بوتين شخصيا بيحاولوا ينهوا هيمنة الدولار؟
بسبب اللى حصل بعد الحرب الروسية على اوكرانيا وفرض امريكا والغرب عقوبات مالية على روسيا وحجز أرصدتها بالعملة المريكية فى العدد من البنوك وكمان حذها من النظام المالى العالمي وهنا فيه دول كتير حست بالخطر وان ايدها تحت درس الامريكان وبدا يكون فيه اتجاه عالمي لاستحداث عملة جديدة بديلة للدولار
شكرا لمتابعينا قراءة خبر اقتصاد مصر | تحالف الكبار لانهاء هيمنة الدولار.. السيسي وبوتين هيقلبوا الموازين في الشرق الأوسط - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
