نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
هو ليه جرايم غسل الأموال زادت اوووي في يناير ..وإيه علاقتها بالدولار والدهب وايه اللي بيحصل في السوق السوداء.. وتاني إيه سر ارتفاع أسعار الدولار في السوق السوداء و نسأل السؤال العكسي هو ليه الدولار اختفي من السوق.. خليكم معانا للاخر وهتعرفوا تفاصيل ومفاجآت
خلينا نكون منطقيين اي سلعة بما فيها الدولار الأمريكي سعرها ييحدده العرض والطلب ودي قاعدة أساسية في أي سوق يعني لو الطلب كتير على الدولار سعره هيزيد ولو الطلب قليل السعر هينزل لكن فيه حالة تالتة وهي اللي وراء ارتفاع أسعار الدولار في فترة من الفترات لأكتر من 65 جنيه وهي إن الدولار بدأ يجف في السوق السودا والمضاربة بقت على الكميات الموجودة لانه لو موجود سعره مش هيققز الققزات دي كلها..
طيب هنصدق وهنعتبر إن الدولار فعلا اختفي يبقي ده معناه ايه.. شوف حضرتك هو فيه اكتر من سيناريو بيفسر اللي بيحصل وهي إن حجم المعروض من الدولار فعلا قل جدا أو التجار مخزنينه وهيطلع في الوقت المناسب، أو إن الدولار موجود في السوق الموازية لكن الكتائب الالكترونية اللي تبع التجار هما اللي بيخلقوا السعر الوهمي في السوق السوداء لتحقيق أكبر مكاسب.
Big Offers For Labtops عروض مميزة على اللاب توب
بالعقل كده لما الدولار يولع في السوق السودا وبعدين الداخلية تكشف وتضبط شبكات غسل أموال كبيرة وبملايين الجنيهات يبقي طبيعي أن تجار العملة وقفوا نشاطهم في السوق وراحوا يغسلوا أموالهم القذرة أو الغير مشروعة حصيلة تجارة الدولار في الأسواق المحظورة قانونا ومعني غسل الأموال إن التاجر بيحاول يشغل أو يحط فلوسه المشبوهة واللي جاية من تجارة العملة أو المضاربة في الدهب أو حتي تجارة المخدرات في أنشطة شريعية زي شراء المحلات والشقق والعرييات وأراضي ومزارع وورش ويروح يرخص الحاجات اللي اشتراها على أساس أنها شرعية وبكده يضمن إنه يخبي فلوسه المشبوهة في نشاط شرعي
لكن التجار مش واخدين بالهم أن فيه وحدة مخصوص في وزارة العدل والداخلية لمكافحة جرايم غسل الأموال وملاحقة الفلوس اللي يشتبه أنها جاية من مصدر غير شرعي ولما ده يثبت عليهم يتم مصادرتها مع أحكام بالحبس.
وعشان نعرف قد ايه جرايم غسل الأموال زادت في الفترة. الأخير كفاية نقولك إن الأجهزة الأمنية ضبطت 3 قضايا غسل أموال كبري في خلال شهر واحد وهو يناير ومجموع المبالغ اللي اتمسكت كانت 150 مليون في 30 يوم بس مع تجار وبينهم ستات كمان وثبت إن الملايين دي حصيلة تجارة العملة.
شكرا لمتابعينا قراءة خبر اقتصاد مصر | الدولار اختفى من السوق السوداء.. والتجار بدأو غسل الأموال - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
