اقتصاد مصر | حكاية مشروع رئيس حزب الوفد للبرلمان عن محمد صلاح والمصريين في الخارج - مباشر مصر

في جدل كبير مثار حاليا علي مواقع التواصل الإجتماعي بعد تصريح المرشح الرئاسي السابق عبدالسند يمامه رئيس حزب الوفد، بتوجيه الهيئة البرلمانية لحزب الوفد في مجلس النواب بتقديم مشروع قانون لمناقشة تحت قبة البرلمان لأزام المصريين العاملين في الخارج بتحويل 20% من رواتبهم الي البنوك المصرية ويحصلوا عليها بالجنية المصري كجزء من خطة الدولة للقضاء علي ازمة نقص العملات الاجنبية الموجود في مصر والقضاء علي السوق السودا في التجارة بالعملة، وده بعد ما البنك المركزي كشف عن تراجع تحويلات المصريين العاملين بالخارج بمعدل 29.9%، واقتصرت علي 4.5 مليار دولار، في الـ 3 شهور من يوليو وحتى سبتمبر 2023، مقابل  6.4 مليار دولار في نفس الشهور من 2022.

الحقيقة التصريح ده عمل لغط كبير في الشارع المصري خصوصا ان المصريين فيهم اعداد كبيرة شغالين في الدول الخارجية، وكلهم سابين بيتهم واسرهم ومتغربين علشان يوفروا لهم حياة كويسة بعد ما الظروف ضاقت بيهم في بلدهم واضطروا يسافروا دول ثانية علشان يشتغلوا عند الناس ويوميا بيشوفوا مهانة ومعانة وظروف صعبة، وحلمهم الوحيد ان عيالهم يعيشوا ويتربوا كويسين.

تصريح رئيس حزب الوفد كان له صدي جامد، وعلي طول وزيرة الهجرة وشئون المصريين في الخارج طلعت وردت علي الكلام المتداول عن سن تشريع يتضمن تحويل المصريين العاملين بالخارج 20% من دخلهم الشهري بالعملة الأجنبية إلى البنوك المصرية للمساهمة في دعم الاقتصاد المصري.

وزيرة الدولة للهجرة وشئون المصريين بالخارج، أكدت أن الدولة المصرية مش بتتدخل خالص في تحويلات المصريين بالداخل أو الخارج، وأن التحويلات ملك المصريين بالخارج، وأن الوزارة اطقلت عده مبادرات لتحفيز المصريين في الخارج على الارتباط بمصر بشتى الطرق بما يساهم في تعظيم العملة الدولارية اللي هتدخل الدولة المصرية زي مبادرة استيراد سيارات المصريين بالخارج واللي جمعت اكثر من  667 مليون دولار في الفترة من نهاية شهر اكتوبر وحتي نهاية شهر يناير الماضي، ده غير مبادرة تسوية موقف التجنيد للمصريين اللي مصر عليهم سن التجنيد اعتبارًا من عمر 19 وحتى 30 سنة، وكمان اللي تجاوزوا 30 سنة لتسوية موقفهم التجنيدي مقابل تحويل مبلغ 5 آلاف دولار، واشترطت الدولة عدم تجديد جوازات السفر للمصريين المقيمين بالخارج إلا بعد تسوية المواقف التجنيدية الخاصة ليهم .

نيجي بقي للحته المهمة اشمعني راتب محمد صلاح اللي رئيس حزب الوفد اتكلم عليه، وراتب محمد صلاح اصلا كام؟.

رئيس حزب الوفد شاف ان محمد صلاح بياخذ راتب كبير جدا بيوصل لمليون جنيه استرليني في الاسبوع بعد تجديد تعاقده مع فريقه الأنجليزي حتى 2025، وان تحويل محمد صلاح نسبة 20% من راتبه ده هيكون حافز كبير لباقي المصريين انهم يحولوا فلوسهم بالدولار علي البنوك المصرية بعيد عن السوق السودا وهيساهم في انعاش الاقتصاد المصري من العملات الدولارية .