نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
ياترى ايه قصة ال4 آلاف كيلو دهب اللي دخلت البلد في الشهور الأخيرة ومصير مبادرة دخول الدهب مع المغتربين ولو اشتريت دهب ومش عارف امتي تبيع ولا تخليه ومش عارف السوق رايح على فين تعالي هنقولك على المفاجأة
فاكرين كلنا مبادرة دخول الدهب من غير رسوم أو برسوم مخفضة جدا للمغتربين بالخارج واللي كانت جزء من مبادرات كتير جدا لحل أزمة الدولار ساعتها وازمة نقص الدهب بردو وزيادة المعروض في السوق المحلي وضمن كوارث كتير عاشها الشعب المصرى والحقيقة كانت من أنجح المبادرات اللي أعلنتها الحكومة ساعتها وقدرت تدخل للبلد 4 طن دهب من ساعة بدء المبادرة لغاية دلوقتي والبلد استفادت من كل ناحية أولها زيادة التدفق في السوق وزيادة احتياطي الدهب حتي لو كان مع الناس بجانب الأسعار استقرت شوية وده كله قبل قرارات التعويم الأخيرة ورفع سعر الفائدة.. طيب ايه اللي هيحصل دلوقتي.
شوف حضرتك هي الحكومة هيكون قدامها حل من اتنين يا المبادرة تستمر لغاية معادها في 6 مايو اللي جاي يعني بعد شهرين وبعدها تعلن وقفها أو ممكن ترفع الرسوم حاجة بسيطة عشان الدولة تاخد حقها وفي نفس الوقت تضمن تدفق دايم الدهب في السوق المصري ولسه الحقيقة محدش عارف ايه اللي هيحصل لكن ارجح التوقعات بتقول إن المبادرة ممكن تتمد تاني لأسباب كتير خاصة بالسوق وبتدفق الدولار لأن الدهب بيعتبر عملة دولار في نفس الوقت وبيتعامل كده في الاحتياطي.
طيب اللي اشترى دهب وحزنه سواء من المغتربين أو المواطنين العاديين وبكميات كبيرة يعمل إيه.. السؤال ده بيتساأل كتير الحقيقة و الإجابة عليه سهلة وعلى حسب انت عاوز تبيع ليه يعني لو مزنوق في فلوس أو عندك مشروع وعاوز تحول الدهب الي فلوس انت مضطر تبيع لكن لو عاوز استثمار بس فالنصيحة تستني عليه لاطول فترة ممكنة لأن الدهب كل ما بيقعد قيمته بتزيد وكمان فيه توقعات عالمية بتقول إن أسعار الدهب هتضاعف خلال 5 سنين تقريبا وفي نفس الوقت الدهب اللي اشتريته بيعتبر احتياطي مالي آمن ليك ولادك
طيب ينفع اشتري دهب تاني دلوقتي.. طبعا ينفع لأن زي ماقلنا الدهب قيمته بتزيد وكل ما يكون عندك فائض في فلوسك حاول تشغله في الدهب أو في شهادات الادخار الجديدة واللي طرحتها البنوك بفايدة كبيرة وصلت 30% والدهب و الشهادات اضمن حاجتين تقدر تستثمر فيهم وانت مطمئن.
شكرا لمتابعينا قراءة خبر اقتصاد مصر | قصة الـ4 طن دهب ومصير مبادرة دهب المغتربين. وأفضل وقت تبيع و تشتري - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
