نشكركم اعزائنا المتابعين لموقع مباشر مصر ونتمنى قراءة مميزة لهذا الخبر ايه الجديد في اتفاقية صندوق النقد وليه مصر حطت شرط جديد في موضوع القرض وايه اللي طلبته وليه.. تعالو نشوف إيه الحكاية
لازم نبقي عارفين إن مصر دلوقتي مع صندوق النقد الدولي غير مصر من 10 شهور لما كان الصندوق بيضغط ويهدد ويمنع ويحجب أقساط القرض لان ساعتها مصر كانت في موقف صعب جدا من حيث السيولة الدولارية وارتفاع التضخم وغيرها من المشاكل لكن النهاردة مصر هي اللي بتشرط وتتشرط وممكن تلغي القرض خالص بعد التطورات الأخيرة في ملف الاستثمارات وتدفق مليارات الدولارات وبعد تحرير سعر الصرف لكن مصر مرتبطة ببرنامج اصلاح اقتصادي مهم مع الصندوق واللي بتعتبر شهادته مهمة جدا لوكالات التصنيف الائتماني الدولية وشهادة ثقة للمال المباشر وعامل جذب مهم للمليارات الدوارة في العالم.
طيب ايه الي حصل.. شوف مصر كلمت صندوق النقد الدولي وطلبت تكون قيمة أول شريحة تحصل عليها في إبريل اللي جاي متقلقش عن 5 مليار دولار لتوفير أكبر قدر ممكن من السيولة الدولارية لدعم اقتصادها وده حسب مصادر مطلعة على الملف.
واتفقت مصر مع الصندوق، زي ما احنا عارفين،ط على زيادة قيمة برنامج التمويل من 3 مليارات دولار إلى 8 مليار دولار، بعد قرارات خفض قيمة العملة بشكل كبير ورفع أسعار الفائدة بنحو 600 نقطة أساس وبدأت صفحه جديدة في العلاقات بين الصندوق والحكومة المصرية وبعدها دخلت مؤسسات التمويل التانية على الخط واشادت وكالات التصنيف الائتماني الدولية بالاقتصاد المصري وعدلت تقاريرها عن مستقبل الاقتصاد وغير مؤسسات وبنوك عالمية توقعت تحقيق مصر فائض في التمويلات الخارجية بقيمة 26.5 مليار دولار على مدى السنوات الأربع المقبلة، مقابل توقعات سابقة بعجز 13 مليار دولار؛ وده نتيجة التمويلات المنتظرة من صندوق النقد الدولي وشركاء تانيين بإجمالي 20 مليار دولار وده بخلاف قيمة الاستثمار المحقق من صفقة رأس الحكمة.
كل هم الحكومة المصرية والبنك المركزي المصري دلوقتي هو ضمان وجود تدفقات دولارية مستدامة في القطاع المصرفي لغاية وصول الدولار لسعره الطبيعي قدام الجنيه والوصول لحالة الاتزان وقطع الطريق أمام أي محاولة لعودة السوق السودا للدولار وبعدها هترجع مصادر الدولار في البلد كلها تشتغل من تاني والحكومة تحقق هدفها اللي أعلنته قبل كده وهو تحقيق 300 مليار دولار تدفقات مالية كل سنة عشان تضمن الدولار يبقي تحت السيطرة.
شكرا لمتابعينا قراءة خبر اقتصاد مصر | عايزين 5 مليار دولار.. مصر تضع شرط جديد مع صندوق النقد - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
