نشكركم اعزائنا المتابعين لموقع مباشر مصر ونتمنى قراءة مميزة لهذا الخبر
ايه اللي بيحصل في سوق الأدوية.. وليه الشركات مصرة ترفع سعر كتير من الأدوية بحوالي 50 في المية وازاي الشركات حققت مبيعات ضخمة وفي نفس الوقت عاوزة ترفع الاسعار... في الفيديو ده هنعرف الحكاية
من فترة ورغم ارتفاع أسعار كتير من الأدوية لسه شركات الأدوية بتطالب برفع أسعار مئات الأصناف من الأدويو وبنسبة 50 في المية يعني النص، وده في وقت قدر فيه رئيس شعبة الأدوية باتحاد الغرف التجارية المصرية، علي عوف، حجم مبيعات الأدوية في مصر خلال الربع الأول من العام الحالي وهي الفترة من يناير إلى مارس بما يتجاوز 40 مليار جنيه، مقارنة بنحو 29.3 مليار في الفترة نفسها من 2023، و26.8 مليار في ذات الفترة من 2022.
ومش كده وبس ده كمان أبو عوف اتوقع وصول مبيعات الدوا في السوق المصرية لـ 200 مليار جنيه بنهاية العام الحالي، مقارنة بنحو 146.6 مليار في 2023، بزيادة 35%.
Big Offers For Labtops عروض مميزة على اللاب توب
والغريبة ورغم المبيعات الضخمة لكن سوق الدوا مستني زيادة جديدة في أسعار الأدوية، وده بعد تقدم شركات الأدوية العاملة في السوق بطلبات كتيرة لهيئة الدواء المصرية لتحريك أسعار مئات الأدوية وبنسب بتوصل ل50 في المية من تمن العلاج ورغم إن لسه مفيش رد على شركات الادوية لكن متوقع يحصل توافق على زيادة سعر الدوا.
طيب طالما شركات الدوا بتحقق مبيعات ضخمة كده ليه عاوزة ترفع الأسعار.. شوف حضرتك شركات الأدوية بتقول إن اسعار مواد الخام رفعت جدا على الشركات بعد ارتفاع سعر الدولار سواء قبل التعويم في السوق السودا أو بعد قرار المركزي بتحرير سعر الصرف وإن الزيادة دي اتحملتها الشركات ولأن أغلب مواد الخام للأدوية بتيجي استيراد من بره وده غير باقي تكاليف التشغيل زي الكهربا والسولار والغاز واللي بتعمل بيها مصانع كتيرة.
وحس شعبة الأدوية أسعار الأدوية في مصر زادت بنسبة 20% في المتوسط خلال سنة 2023، مدفوعة بالزيادة الكبيرة في تكاليف استيراد مدخلات الإنتاج، اللي قفزت أسعارها بعد الزيادات المتتالية لسعر الدولار منذ أبريل 2022.
شكرا لمتابعينا قراءة خبر اقتصاد مصر | باعت بـ40 مليار في 3 شهور وعاوزة ترفع الأسعار تاني.. لغز سوق الأدوية - مباشر مصر على موقعنا مباشر مصر ونحيطكم علما بان محتوي هذا الخبر تم كتابته بواسطة محرري بانكير ولا يعبر اطلاقا عن وجهة نظر مباشر مصر وانما تم نقله بالكامل كما هو، ويمكنك قراءة الخبر من المصدر الاساسي له من الرابط التالي بانكير مع اطيب التحيات.
