اقتصاد مصر | لو عندك مشكلة مع البنك ومش عارف تحلها .. لازم تشوف الفيديو ده للآخر - مباشر مصر

نشكركم اعزائنا المتابعين لموقع مباشر مصر ونتمنى قراءة مميزة لهذا الخبر   
بتواجه مشكلة مع أي بنك في مصر مش عارف تحلها؟ تعب تمن الاتصال على خدمة العملاء ومش عارف تاخد حقك؟ عاوز تنجر وتجيب من الآخر مع موظفي البنك اللي تاعبينك؟.. ما تقلقش البنك المركزي هيوفرلك طريقة تقدر بيها تخلص مصالحك وتقدم شكوى في البنك اللى عندك معاه مشكلة.
 

البنك المركزي بيؤكد طول الوقت على ان حماية حقوق العملاء بتعتبر أحد العناصر الرئيسية لتحقيق الشمول المالي، بالإضافة إلى أهميتها في ترسيخ ثقة المتعاملين في القطاع المصرفي وتعزيز المنافسة بين البنوك، وده  هيرفع كفاءة القطاع المصرفي ككل، وبيتوافق كمان مع دور البنك المركزي المصري في الرقابة على الجهات المرخص ليها في مصر وبيعمل على تحقيق وحماية مصالح العملاء والتأكد من أن الجهات المرخص ليها بتتعامل مع عملائها بعدالة ومهنية وشفافية.
وعشان كده البنك المركزي قام بإصدار تعليمات حماية حقوق عملاء البنوك في فبراير 2019 لوضع أسس وقواعد واضحة تحكم العلاقة بين البنوك وعملائها في كافة مراحل التعامل ، وصدر كمان القانون رقم 194 لسنة 2020 بشأن البنك المركزي والجهاز المصرفي، واللي نصت المواد من 216 حتى 220 منه على اختصاصات البنك المركزي بشأن حماية حقوق العملاء.
وتم إنشاء قطاع حماية حقوق العملاء، اللي بيضع في صدارة أهدافه قيام الجهات المرخص ليها بوضع حقوق العملاء ضمن أولوياتها، وتعزيز ثقة العملاء في القطاع المصرفي وضمان حصولهم على حقوقهم، ودعمهم لاتخاذ قرارات مالية واعية ومناسبة ليهم عند التعامل مع البنوك وكافة الجهات الحاصلة على التراخيص. . 
وبيعمل قطاع حماية حقوق العملاء بالبنك المركزي على عدة محاور تشمل متابعة التزام الجهات المرخص ليها بتعليمات حماية حقوق العملاء، والتوعية ونشر ثقافة حماية حقوق العملاء والمنافسة بين عملاء البنوك، بالإضافة إلى تحليل سلوك العملاء والجهات المرخص ليها.
وحدد البنك المركزي ألية وخطوات تصعيد الشكوي لقطاع حماية حقوق العملاء.. وفي حالة وجود شكوى تتعلق بالقطاع المصرفي، لازم في الأول تقدم شكوى للبنك بتاعك توضح فيه نوع الشكلة اللى بتواجهك قبل تقديم شكوى إلى البنك المركزي المصري.
ويمكن تقديم الشكوى من خلال أي من قنوات الشكاوي بالبنوك ، بما فيها موقع البنك على الانترنت وفروع البنك.. و وسائل التواصل الاجتماعي.. و مراكز الاتصال / الفاكس أو البريد الإلكتروني
وفي حالة تقديم شكوى، البنك ملزم باستلامها وملزم كمان بتزويد العميل بالرقم المرجعي فوراً أو خلال يومين عمل كحد أقصى من تاريخ تقديم الشكوى.
وبيتم توفير الرقم المرجعي للشكوى كتابياً أو إلكترونياُ وتسليمه  للعميل وفقاً للطريقة المفضلة للتواصل
وبتتم متابعة الشكوى باستخدام الرقم المرجعي من خلال الموقع الإلكتروني للبنك أو عن طريق الاتصال الهاتفي (مركز خدمة العملاء).
طب لو عملت كل ده وشكوتك ما اتحلتش؟
هنا بتلجأ فورا للبنك المركزي سواء في المقر الرئيسي بوسط البلد أو على الموقع الاليكتروني على الانترنت وبتقدم شكوى في البنك والمركزي بيتحرك بأقصى سرعة وبيحل المشكلة وبيجيب للعميل حقه.